منتديات سماء يافع - عتب - " ذي قار " للشاعر :راشد العزاني

عتب - " ذي قار " للشاعر :راشد العزاني

يا بنت فينـي نـار تحـرق حشايـه
وفيني نهار ٍ رافـض ٍ يعقـب الليـل
وفينـي انـا يـا بنـت هـم النهايـه
كني أنـا طرفـه وأنتـي المراسيـل
وينك ونـرْد الوقـت بعثـر خطايـه
وأمسيت في دهليز وادي كمـا ويـل
وحتى النجـوم اللـي تعلِّـم سمايـه
خانت عيوني وخان دربي أنا سهيـل
وين العهـد يـا بنـت ويـن الوفايـه
وآنا الغريق اللي غرق في الفناجيـل
جيتك وأنـا مليـون جـرح ٍ معايـه
وين الكرم يـا ريحـة البـن والهيـل
ويـن الكـلام اللـي يبـدد عنـايـه
ذاك الحنـان اللـي يشـب القناديـل
ماني بعـارف ويـن حـق الوصايـه
كنـي اليتيـم اللـي تبنـاه لبخـيـل
مسدولة ٍ روحـي عَ شمـس المنايـه
تـذوب مثـل الغيـم وتنـزّل السيـل
وذاك المطـر ياللـي يبـل العبـايـه
أصله خلاصة نزف من صدري ايسيل
ليتك معي شطرنـج هـذي الحكايـه
بهزم بجند عيونـك أقـوى المناديـل
وليتـك مقـام ٍ كالصَبَـى يـا مُنايـه
تعزف لك ضلوعي بقلبـي المواويـل
وذاك الحسـود اللـي يزيّـد شقايـه
شاف بعيونك خوف واضمر لنا القيـل
يا بنت عمر الخوف مـا كـان غايـه
وإلا نجا النعمان مـن قصـة الفيـل
دارت رحى ذي قار عقـب الوشايـه
وكسرى انكسر والحرب تأرث غرابيل
لـو نسمـع العـذال والوقـت تايـه
كان أنتهى العشّاق في حـذوة الخيـل
لولا المـلام أرغمـت كـل الزوايـه
تتحـودب امـن القائمـه للمناجـيـل

وســــــــــــــلامــــــتكم.. .................