منتديات سماء يافع

منتديات سماء يافع (http://http://yaf4.com/vb/index.php)
-   دواوييـــن الشعــــراء (http://http://yaf4.com/vb/forumdisplay.php?f=96)
-   -   مجارات لشعراء عن وضع البلاد (http://http://yaf4.com/vb/showthread.php?t=69549)

سمبتيك 24-07-2025 03:48 AM

مجارات لشعراء عن وضع البلاد
 
🌹 *تصبيحة* 🤲

صباحك مع كل من نتعها طعن
الصدق قد ضاع واصبحنا عبيد الإشاعة

ريحة الطيب نكرهها نحب النتن
"وإذا أتى فاسقٌ" شي تذكروا يا جماعة؟!

د.سعيد بايونس

صباحك مع من يطعنون الوطن
الصدق معدوم أما الكذب افضل بضاعه

وكذبهم للأسف رايج بأرخص ثمن
وإن جاء فاسق يقولوا: تم سمعا وطاعة

د.علي صالح الخلاقي

يا ابن الخلاقي وبايونس كرهنا الفتن
في كل قمة جبل عالي وفي كل قاعه

ضاع الأمل ضاع والحلم الجميل اندفن
والشعب بيذوق طعم المُر في كل ساعه

عبدالرحمن صالح الجانحي

صباحكم خير بعد الفرض ادوا السنن
وفيكم الخير بالكلمة وصادق يراعه

لاولياء الامر نعلنها صراحة علن
ما همهم حد ولا صوت الوطن والاذاعه

خالد القعيطي اليافعي

صباحك مع التاجر وسعر المؤن
والشعب مطحون مابين الوباء والمجاعه

وحكامنا الحلوين داخل عدن
صاروا حراسه فقط يا صاحبي للجماعه

ابوزيد اليوسفي

بشوف الإبداع يتكلم بذوق وبفن
في غاية الذوق انتم يالها من براعه

وكل خاين رجع في ذا الزمن مؤتمن
لا تأمن الناس وجه البعض قبله قِناعه

عمر محمد الطفي

٢١ يوليو ٢٠٢٥م

الصقر اليافعي 24-07-2025 05:16 AM

رد: مجارات لشعراء عن وضع البلاد
 
صحت السنتهم وتسلم يدك على النقل


All times are GMT +3. The time now is 11:46 AM.

Powered by vBulletin® Version 3.8.7, Copyright ©2000 - 2026, Jelsoft Enterprises Ltd. TranZ By Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas

جميع الحقوق محفوظه لمنتديات سماء يافع

a.d - i.s.s.w

mamnoa 4.0 by DAHOM