منتديات سماء يافع - فرحة العيد .........!!

[align=right]فرحة العيد .........!!

عجزت أعبر عن مدى فرحة العيد
وعجزت بوصفها وبوصف جديدي

نبع الفرح في خافقي لـه مواريـد
ونبع السعاده مقبضه وسط ايـدي

يمطر بجوفي بارقـه والمراعيـد
كنه سكن قلبي وساكـن وريـدي

يسري بدمي نازل(ن) به وتصعيد
من فضل ربي واطلبـه بالمزيـدي

عليك ياللي احط ايدك على الايـد
وتتناثر الاشواق لك في قصيـدي

دنياي صارت لحن يشجي وتغريـد
حظي ابتسم من جيتني يا عضيدي

ان قلت أحبك صار للعمـر تجديـد
وان قلت لي يا السالمي قلت سيدي

فرحة زماني أنت يا سيـد الغيـد
يانبـض قلبـي ياحيـاة اليزيـدي

نادر بوصفك دون داعـي لتحديـد
كلك وبعضـك ياحبيبـي فريـدي

روح المحب اتجسدت فيك تجسيـد
حبك وطن قلبي واسمـك نشيـدي

والنعم بك ياجيد بن جيد بن جيـد
ساس الاصاله فيك واهلك يشيـدي

أكرمني الله فيك واحمـده وازيـد
واثني على حمده وشكره وازيـدي

فندك لي ربي من النـاس تفنيـد
وانا بكلي لك علـى مـا تريـدي

اعايدك يا روح روحي فـي العيـد
يابسمة إيامـي ويافـرح عيـدي [/align]