ماتت الغيـرة وحتـى المرجلـه
=كنها ماتت أسف ويـن الرجـال
وينهـم ويـن الرجـال الاولـه
=ذي نواصيهم كما شـم الجبـال
لا حمي راس الفتى من يكهلـه
=كيف لا هاجت بهم عيس الجمال
ساعده مفتـول مـن ذي يفتلـه
=من جلالتهـم تزيـوا بالجـلال
كلمـة الواحـد بألفـن مجملـه
=والشجاعة تاج مقياس الرجـال
هان لـه موتـه وهيـن مقتلـه
=ما يهم المـوت او هـم القتـال
والشرف عالي بعـرف القبيلة=
مثل ما بالدين من خير الخصـال
كن وقتـي قـد تحـوّل بكملـه
=والنساء تحكـم علينـا والعيـال
شوف سهم البوصلـة متحوّلـه
ذي بسير الامس قد كانت محـال
جيت لى وقت الملاهـي والولـه
=واكسفت شمس المحاسن والهلال
والنتن والـدش سـوءه كملـه
=قد بلغ بالسوء لا قـرب الكمـال
بو عيون السـوء كلـن يحملـه
=والبلوتو صاد له كمـن غـزال
لا تبـارك مصنعـه او معملـه
=ذي يخرب بالصنايع خيـر مـال
لا تبـارك مـن بمالـه مـوّله
=كل أعماله علـى ظهـره وبـال
لا تبـارك مـن لغيـره سهلـه
=صوّبه ربي بأوجاعـن عضـال
واحذروا سـم التحـرر معسلـه
=مثل زرع الواد لا صابه عسـال
كم معاهم مـن مـرة متذعولـه
=لطخوهـا بالمخـازي والوحـال
لـى قداهـم ماشيـة متهرولـه
=هي وياهم عالفضايل في نضـال
واصبحـت بسواقهـم متجولـه
=عارضة كـل المفاتـن والـدلال
وين تاج العـز ذي مـا تبدلـه
=حطها عالراس دسمالـي وشـال
ذي معزتهـا بـنـا متوغـلـه
=كلنـا نفـدا حياهـا والجـمـال
هي سند للهام ما شـي تخذلـه
=قصدها ترضي بـه رب الجـلال
صابـرة فـي بيتهـا متحملـه
=نجمها زاكي وقدر النجـم عـال