أيهما أهم زواج و لا دراســة ؟؟

السلام عليكم و رحمة الله و بركاته ..

اليوم حبيت أطرح موضوع للبنات و الشباب ..

سؤال للبنات : ايها أهم الدراسة و لا الزواج لو يخيرونج بينهم ؟؟ و ليش ؟؟

سؤال للشباب : ايهما افضل للبنت الدراسة و لا الزواج في نظركم ؟؟ و ليش ؟؟


بانتظار ردودكم

احم احم
راح ابدنا قبلكم
انا شايفه الدرااسه اهم من الزواج لانه الدراسه مستقبل واماان من غدر الزمن بعد الله

مرحبا باخينا الجابري
ارى ان اهم شىء الدراسة للبنات بان لا يقل ابدا عن الثانوية العامة ثم الزواج بعد هذه المرحلة الدراسية وان ارادت بعد الزواج اكمال الدراسية في المجال الذي ترغبة مع التكامل ما استطاعت بين الدراسة ومتطلبات الحياة الجديدة
هذا هو الوسط المعتدل في نظري

اشكرك اخوي الجابري ع الموضوع وكل عام وانت بخير
من وجهة نظري
الدراسة طبعا أهم من الزواج و لكن إن كانت فترة الدراسة طويلة جداً كدراسة الدكتوراة فيجب على الفتاة ان تتزوج لأنها من الممكن أن تتجاوز سن اليأس و يعرضها للعنوسه
رأيي أن تكسب الفتاة الاثنتين معاً أي بعد القبول بالجامعة تتزوج و تعيش على سعادة و هناء
بشرط التوافق بينهم واذا كان بعدم المقدره فالزواج هو الانسب لان البنت مكانها البيت وكافي عليها الثانويه حتى تقدر تعلم عيالها وتساعدهم بدراستهم ..

الله يعطيك العافيه اخووويه ع الموضووع المهم


وع سؤالك

سؤال للبنات : ايها أهم الدراسة و لا الزواج لو يخيرونج بينهم ؟؟ و ليش ؟؟

بالنسبه لي الدراسه اهم من الزواج لان الدراااسه تعتبر مستقبل البنت اذا كانت الشهاده بااايدهاا فهذااا اهم شي اما الزواج لاحقه عليه بس انا استغرب من البنات اللي يتزوجووون وهم يدرسون وصدقوني انها ما تقدر تكمل واذا كملت من تخلص تكون علاقتهم الزوجيه سطحيه جداا وكلها مشاكل
لان الحرمه المتزوجه كيف بتلحق الدراسه والا البيت والا الزوج والا العيال بس لو خلصت دراسه والشهاده فايدهااا عقبها تقدر تتزوج و تهتم ببيتها وعيالهااا وانا سووويت جذيه درست وخلصت دراستي الجامعيه كنت انخطب بس ما كنت اوافق وحتي ابووويه ما كان يرضي لانه يباني اكمل دراستي الجامعيه الله يحفظه يا رب ويطول بعمره وعقب ماخلصت دراااسه انخطبت وكان المفرووض اعرس شهر 11 بس تعرضت لحادث وما اقدر امشي ع ريلي واجلنا العرس سنه اللين اتعالج وارجع امشي ع ريلي ... السموحه ع الاطاله بس موضوووعك مهم والله

سؤال للبنات : ايها أهم الدراسة و لا الزواج لو يخيرونج بينهم ؟؟ و ليش ؟؟

والله ياخوي انا عن نفسي اشوف الدراسه اهم من الزواج ..

لان الشهاده ظمان لي في حياتي..وازا راحت علي فرصة التعليم مابتتعوض ابد وانا ماصدقت تجيني دي الفرصه فمش معقول اضيع مستقبلي واشغل نفسي بالزواج والرجل والاولاد واسيب الدراسه !!
اما الزواج فلاحقه عليه محد حيبور الكل حيتزوج وازا خلصت دراسه بفكر بالزواج ساعتها !!

اهم شي شهادتي وشهادتي وشهادتي..