خواطر مغترب للشاعر الشيخ هلال العبادي

بسم الله الرحمن الرحيم
هذه القصيدة من كلمات الشيخ هلال عبدالرب العبادي حفظه الله ورعاه
والقصيدة تعالج هموم المغترب في الغربة ومايعانية من المتاعب في ارض الاغتراب
ومطلع القصيدة يقول الشاعر
[frame="10 70"][poem=font="simplified arabic,6,darkblue,normal,norma l" bkcolor="transparent" bkimage="backgrounds/40.gif" border="double,4,green" type=2 line=0 align=center use=ex num="0,black"]
ابو رقية يوم فارقت الوطن =سالت دموعي بعدما كانت جمود
من يوم فارقت اهلي والسكن =حسيت بالغربة وعــنا بالحدود
مرت عليا أيام بحسبها زمن =اليوم بالساعات عديته عدود
ياكم ليالي مالها عندي ثمن = لانا بأرضي بشترها بالنقود
لاخاطري سالي ولاقلبي سكن = ساهر بفسر لي وذي عرض رقود
ودق قلبي دق من جوفي وحن = لمّي ولخواني ولهلي والجدود
وهاجسي زمجر وجاوبني ورن =بذكر الماضي ويحشدها حشود
وقال سجل ماهجسنا لك بوزن =ورقمه وضح حروفه والمدود
ياطير طاير بالسماء صفر وغن =قدك طلق بالجو ماانته في قيود
تسرح وتأوي لك متى ماالقلب حن =لاتربطك غربة ولاتردك حدود
كفيلك الرحمن ذي يعطي ومّن =يمن لك بالرزق حتى بالحيود
تصبح وتمسي لك مع زوجه وبن = في عش واحد من سرح منكم يعود
ولانت عازم عالسفر نحو اليمن =باحمللك خطي مكلل بالورود
للاهل في يافع وذهم في عدن =وجملة الاصحاب عطرهم بعود
وقلهم بوهند افناه الشجن =جوفه بيشعل ماأسي حتى البرود
من باطل الغربة تلخبط واعتجن=يجزع عليه الليل واعيانه قهود
جالس بغربة يقتلي من ذا الزمن =ايامه البيضاء مخلعة الجلود
ومهجره نحل عظامه والبدن =وصحته من يوم جي تشكي الركود
ياكم أضر لافي وياكم هي محن =وكم وكم أنسان مايوفي العهود
وكم وكم في رسالته كم هي فتن =تحتاج منه بذل أقصى للجهود
لكن سهاله باصبر الصبر الحسن = والشر أنا بقاومه طبعي والصمود
صابر على ربي وقلبي مطمئن =باعمل الرحمن والناس الشهود
راضي على ماقدره لي ومتحن= ماخالفه كلا على رغم الحسود
وهلي وناسي والجماعة والوطن= لاهم يبوني مايكدو لي كدود
ولاهنا يكفيك ياقلبي الحزن =ماتنفع الالام اوكثر الوعود
لكنها عبره لمن فيها أفتتن =يحلم بها راحة ويحلم بالنقود
أغتر لما شاف من فيها سمن= أوي بسيارة ونظارت سود
وانا حذيرك لاتجيها يا الورن= وكشف لك الاسرار مخطوطه بنود
هذه وصية من خبر طبع الزمن =بلادك أحسن لك ولو تنقش حيود
والتالية صلوا معي ماالرعد حن =على محمد خير من جي للوجود
وآله وصحبه ماذلح شخب المزن= ومن تبعهم في البرية والحشود[/poem][/frame]