حنين المغترب

[poem=font="arial,6,darkred,bol d,italic" bkcolor="transparent" bkimage="backgrounds/39.gif" border="outset,10,black" type=2 line=0 align=center use=ex num="0,black""]
يقول المغترب حنيت الى ارض اليمن حنيت=حنيني للذي سويت له في وسط قلبي بيت
لمه يا النوم تتركني ومن عيني لمه وليت= تبي تترك عيوني للسهر ايش الذي سويت
كفايه ما فعلته غربتي بي بعد ما شديت= رمتني في بحور الهم وكم من غربتي عانيت
ثمان اعوام بالغربه على جمر الهوى حطيت=لهيب الشوق يحرقني ونار الفرقه استوليت
ومن يسمع نداء قلبي مهم صحت او ناديت=ومن يرثي لحالي في نصيف الليل لو انيت
خلاص الهم اصبح صاحبي ان رحت ولا جيت=من الباكر بيلحقني ويتبعني اذا امسيت
وضاع الحلم ذي كنت احلمه واللي له استنيت=وماتت وردة الحلم الذي ربيتها واسقيت
ولا حصلت ذي كنت اطلبه وذي له اتمنيت=ولا حصلت راحه بعد ما فارقت من حبيت
دموعي فوق خدي من فراق الخل كم صبيت=فؤادي تحترق ياليت ما فارقتهم ياليت
ويا ليت السفر ما كان ولا فكرت به وانويت=جروحي بعد ما سافرت ما تشفى ولو داويت
كنت اتوقع الغربه جنه لو بها مريت= ولكني وجدت العكس واتمنيت لو ما جيت
حياة المغترب صعبه وانا من غربتي مليت=وفكرة غربتي يا ليتني قد شلتها والغيت
خساره يا زماني خذت مني كل شي واقفيت= اخذت الزين من عمري وهمي والنكد خليت
تركت الحزن قسمي والسعاده والفرح شليت=وعيني نومها ولى وكبدي صبتها وادميت
وعذراً يا محبيني اذا نا غبت واتماديت= لانه مش بيدي غصب عني عنكم صديت
ولا زال الهوى والحب باقي ما له اتناسيت=وسامحني اذا قصرت في حقك وما استوفيت[/poem]