وحده على كيف

[poem=font="arial,6,blue,bold,n ormal" bkcolor="transparent" bkimage="backgrounds/17.gif" border="outset,10,gray" type=2 line=0 align=center use=ex num="0,black""]
باسمك الواحد كريم الجود انته وحدك اسأل=انته الرحمن من غيرك نسارع في سوأله
اسألك تغفر لعبدك كلما اخطأ وما زل=واستر العوره وبدل حالته لاخير حاله
والصلاه ما ينزل الماطر وما بالسيل سيّل=عالنبي ذي خصه الرحمن بالسنه واله
قال ابو فاروق قلبي من صميم الجوف يشعل= من ظروف الوقت ذي ما خلت الانسان حاله
قسوة الايام ما ترحم كبير السن والطفل= كل واحد منهم يحمل على ظهره حماله
والحمول الزايده بتخلي الانسان مختل = دايم التفكير في اهله وفي صرفة عياله
كانت البسمه على وجهي بعهد الوقت لاول= لكن البسمه مع ذا الوقت من عالوجه زاله
ماتت الفرحه وسط قلبي وخاف الحلم يقتل= والامل ذي ننشده بي خوف بالغدر اغتياله
بعد هذا الوقت شفت الوضع في ارضي تبدل=بعد وحده ظالمه ضمت جنوبي لاشماله
كيف وحده كيف نحسبها وهوه بالاصل محتل=جردوا ابن الجنوب الحر من ارضه وماله
يدّعوا بالوحده العظمي وهي بالفعل معتل=علة الوحده بذي باعوا شرفها والاصاله
قال بانفرض عليكم وحدة الشطرين واقبل=غصب عنك تقبل الوحده ولو هي مستحاله
كيف باقبل وحدة المدفع ورشاش المعدل=كيف باقبلها وانا شوفه اكل ارضي لحاله
الاراضي وزعوها بين حاشيته ووكل=عالمزارع كل مستهتر وطاغي من قباله
الجنوبي في جنوبه عالشمالي قام كفّل= كيف عيشه في بلاده تحت مقياس الكفاله
لو معه شغله وجب يبحث على شاويش منحل=يدفع الرشوه لاصحاب المعالي والجلاله
ومن بيده واسطه يفتح له الباب المقفّل=والعمل يمشي وتصبح كل ايامه سهاله
لكن المسكين من يوقف بجنبه حين عامل= تقفل الابواب في وجهه ويرجع في نعاله
يحمل الالام ما يدري بنفسه ايش يفعل=وان تكلم او تململ يامر الجيش اعتقاله
كل شي اصبح بيد الشرعيه من شل له شل=الاراضي والمزارع والمتاجر والبقاله
واهل صنعاء واهل حجه واهل مارب واهل مقبل=في كريتر كل واحد منهم يبسط رحاله
المناصب للشمالي والجنوبي صار مهمل=صار في ارضه يعاني من غلاهم والبطاله
لامتى باينتهي فلم الدحابش والمسلسل=فلم هندي تعرف التزوير من اول مقاله
تسعتشر عام صابر عالتعب والضيق والذل=كم يقع صبري وعاد المرحله بالظلم طاله[/poem]