مواقف جديده للمزح بين الازواج

( حشا هذي دفاشة مو مزح ) :

١- تقول وحدة : مرة قلت بسوي حركة زي مايقولون رومانسية ..
واتكشخ واتخبا ورئ الباب على حزة وصول زوجي وأول مادخل أطل عليه بابتسامة رقيقة ..
ويوم طلعت قدامه فجأة .. ماحسيت بيده إلا ماسكة رقبتي خانقني يحسبني حرامي هُِهُِهُِ هُِهُِهُِ هُِهُِهُِ
توبة ماعاد أعيدها لا أبوها رومانسية ..


٢- وحدة تقول سكنا بشقة بالطائف وكان شباك الحمام وأنتم بكرامة يطل عالبلكونة وأنا كنت أحسبه يطل عالشارع ..
المهم وأنا اتحمم إلا وينفتح شباك الحمام ويطل علي منه زوجي ويقول السلام عليكم ..!!!
يالله بغيت أموت ..
وطحت بالبانيو أحسبه جني ومت صياح ..!!


٣- تقول وحدة أن زوجي يحب المزح اللي مال أمه داعي ..
مرة قبل ماننام قالي أبي مؤية ورحت أجيب له ولقيته مسوي نفسه ميت وأناديه مايرد ..!! اهزه مايتحرك إدغدغه لإحياة لمن تنادي ولا حتى ترمش عيونه ..!!
من فجعتي ركبت فوق بطنه واهزه وأعطيه كفوف وابكي وكل كف أقوى من الثاني لين جلس ودفني قالي مرة من قلبك ..
طيب لو فرضنا اني ميت ابقوم لك من هالتصفيق مثلا ..!!


٤- هذي وحدة بعد الغداء قاعدة هي وزوجها وفي فمها عود أسنان المهم سرحت الأخت تفكر ..!!
مدري في أيش وأنتبه لها زوجها وحب يقطع حبل أفكارها ..
قام رماها بمخدة كنب كبيرة ودخل العود جوا فمها وجرح اللثة ..!!
تقول مأحسيت إلا والنزيف والدم يطلع من فمي مأقدرت اتحرك من الألم والفجعة ..!! وأبكي بمكاني ..
قالي إنتي ما احد يمزح معك << يرحم أمك ولك وجه تستهبل ..!!



٥- وحدة ثانية كانت تمزح هي وزوجها ويتضاربون بمخدات السرير ..
وكان عيالها حاطين عطر داخل مخدة وهم مايدرون ..!!
مسك الزوج مخدة وطراخ بها على رأسها
وماتشوف إلا العصافير فوق رأسها لين داخت وأغمى عليها ..!!



٦- هذي تقول زوجي مزحه غير بنكهه هندية ..
مرة كنت جالسة أنا وهو نتغدى مع أهله وأنا مؤ منتبهه له أسولف مع عمتي .. إلا ويقطع الفلفل الصغير الحار ويدفنه بين الرز عندي ..!!
وتعال شوفني مع السواليف أكل من هالرز وأنا ماأدري مأحسيت إلا وشيء مولع بفمي وأنواع الدموع ..!!
على طوول أناظر فيه .. والابتسامة شاقة وجهه لين أصررخ وأشرب موية ..
ويقولي : أمزح أمزح معك ..!!