فمان الله . . . . . .

[frame="7 80"][align=center]فمان الله . . . . . . [/align]
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياما تضايقت ولا في اذن تسمعني=وياما الحزن دك في ضلعي وشرياني
لا فيه قلب(ن) يؤاسيني ويجمعني=ولا فيه يد(ن) تخفف بعض ما جاني
أقول محتاج لك وتزيد تجرحني=كن السعاده تجي لك بعدما عاني
داخل فؤادي زرعت وانت زارعني=في كوكب الهم وفي بحر(ن) من احزاني
عطيتك احساس صافي قلت طاوعني=والله مارضى الضرر لك طول الازماني
ياكيف باضر شخص(ن) فيه حببني=وياكيف باضر من يسري بوجداني
اضر نفسي عشانك وانت تعرفني=ابغيك دايم سعيد ودايماً هاني
غيرت طبعك غريب أمرك تعاملني=مثل العدوا وانت قاضي بي وانا الجاني
كني اذا جيت لك طيب تعاندني=وان جيت مشتاق شفتك زود تجفاني
ماتبت منك جنون وكنت ساحرني=لا تقول لي كيف مدري فيك اللقاني
مرسى الاماني وحلم(ن) كان يسهرني=بسمة سعاده منى نفسي وعنواني
يحفظك ربي ترى ماحد(ن) يعذبني=غيرك وطاوعت قلبي وين وداني
ترضى أنا ارضى واذا تتعب تتعبني=وان ضقت انضاق ودمعك هز اركاني
ان قلت لا قلت لا جوفي تعاتبني=اخشى اناقشك واتجازى بهجراني
اشريك بالوقت نفسه انت بايعني=غرتك نفسك وفكر(ن) كان شيطاني
دايم على الحال هذا ويش ينصفني=وانته تزيد المواجع بي وبالعاني
لكن ترى الوقت قاسي منك ابعدني=وأرجوك ترحل ((فمان الله))وانساني[/poem][/frame]