موجز أخباري ..!

[poem=font="Simplified Arabic,5,blue,bold,normal" bkcolor="transparent" bkimage="" border="inset,1,red" type=2 line=1 align=center use=ex num="0,black"]

كذا جيتي تحبيني بدهشة وبخجل وإعجاب=ولما قلت أنا أحبك أحس الأرض بك تنهار


وش اللي مبعدك عني مدامك للعيون أهداب=وش اللي يمنع إعلانك لحبي دام ما إحنا صغار


غريبة كيف صارت بي مشاعر ولا عملت حساب=ليوم انك تحبيني ويوم الجهر بالأسرار


أنا من شفت بك دهشة عرفت إن القلوب أحباب =عرفت إن الزمن يعلن ولادة عاشقين كبار


يجمعهم أمل واحد وتجمعهم كثير أسباب=جمعهم صدى صوتك وضحكة كلها إبهار


وأنا والليل وعيونك وهمسة صوتك الجذاب=تصارحنا وكل منا صنع من نظرتك تذكار


تعالي قربي أكثر ولو كان الخجل أبواب=ولو كانت مسافاتي بعيدة جربي بصرار


وكل مرة تجين أقرب يجي قلبي ويفتح باب=إلى إن يعلن وصالك ونصبح جار وأخر جار


أحاول أقنعك فيني وأحاول بس نكون إقراب=أجي وبكل لحظة عذر إلى إن تقنعك لعذار


أمانة لو علاقتنا مجرد معجبة بكتاب=مجرد عاشقة لحروف وشاعر يكتب الأشعار


أمانة قولي إحساسك إذا شفتي أنا كذاب =أعوذ إن قلت أنا كذاب من إبليس اللعين العار


أترجم بالورق شوقي وحبري وضّح الأسباب =أنا شاعر ولكني نقلت من الفؤاد أخبار


وهذا موجز أخباري أنا العاشق وأنا لصحاب=وأنا اللي ما عرف قلبي سواها واندثر وانهار

[/poem]