الحــــــــلم لحامد زيـــــــــــد..!!

[align=center]هذي قصيده(( الحلم )) للشاعر المبدع حااامد زيــد
بالفعل قصيد ولا اروع من شاعر معروف
وهذه تلبيتا لطلب الاخت شمس يافعي [/align]
[poem=font="Simplified Arabic,6,white,normal,normal" bkcolor="transparent" bkimage="backgrounds/21.gif" border="double,5,orange" type=0 line=0 align=center use=ex num="0,black"]
بوقت من البطا وبليل تتراقص شياطينه"="بعد شفت الضيا ينزع من ثياب المسا ثلثين
تحايلت المنام اللي مثل بيتك تمرينه"="وأنا اللي من تفارقنا وأنا ما غمضت لي عين
غريبة كل حلم يمر برقادي تزورينه"="والاغرب..كيف أحلم الحلم وارجع واحلمه بعدين؟
قبل يومين شفتك بالمنام.. وقمت من حينه!"="ونمت امس ورجع نفس المنام اللي قبل يومين
أنا اللي قبل اسافر شلت قلبي من شرايينه"="تركته في يدك مثل الأمانة واحفظيها زين
ترى حفظ الأمانة دين..مجبورة تردينه"="أجل مافيه احد قد قال لك حفظ iiالأمانة دين"؟!
مردّ المقفي بيلفي..ويستوفي وتوفينه"="بعد ليلة, ثلاثة, أربعة, عشرة, شهر شهرين
إذا انتي ماانتي بقدّ الكلام اللي تقولينه"="حرام استامنك حاجة, واذا جيت اطلبك تنسين
تخونين وتبين ارضى وأحد يرضى تخونينه؟"="أنا لاجيت اخونك مع حبيبة ثانية"ترضين"؟!
من أول ما رجعت من السفر ما شفت لك بينه؟"="وأنا اللي كنت احسبك قبل ادوس ارض المطار.. تجين
تكونين انتي اول شخص تحتضن عيني iiعينه"="وكنت اتخيلك من زود فرحة رجعتي.. تبكين
وأشوفك بمعتك حكيك وأعرفه قبل تحكينه"="واجيب احلى من اللي بتحكينه وأتركك iiتحكين
تقولين: الوطن نوّر..وأقول: بنور مضوينه"="تقول لي: غديت احلى وأقول: عيونك الحلوين
كلام نام بشفاهك وخفتي لا تصحينه"="ذخرتيه لغرام اللي ينام.. ويتركك تصحين
تغانمتي غيابي لين رجّحتي موازينه"="تعلّم من يدك لمس الكفوف وعلّمك تجفين
وليتك لاقيه به شي.فيني ماتلاقينه!"="مهوب غرور.. لكن خابرك مالك أمل iiتلقين
تغافلك بغلا.. وإلاّ الحلا مهوب من زينه!!"="تزيّنه الصّور.. بس الصحيح ابن الحلال ii"زوين"!!
وانا مانيب ناقصٍ عنه يوم أنك تبدّينه"="نصيبي هو نصيبي لو يسدّدها من الصوبين
قنوع بمظهري والسم ما يذبح ثعابينه"="على قول المثل "مانيب حلو لكني مانيب iiشين"!
إذا أهداك الزهر مرّة فانا اهديتك بساتينه"="وإذا الهاك بفرح ليلة فانا تهت لبكاك سنين
وإذا استضعفتك أملاكه.. وشتّتك ملايينه"="أنا حتى فتات الخبزة أقسمها معك iiنصين
طموحي بس أجي وأظفر بشيٍ تستحقينه"="تديّنته تسلّفته سرقته مو مهم من وين ii؟
كأني من كثر ما ارضى بكل اللي تمنينه"="لو أنك تطلبين الله.. يعنيني بقول: آمين!
أنا ما العب على الحبلين وقت الطيش iiوسنينه"="تبين الحين يوم أني كبرت ألعب على الحبلين؟!
ترى عند البدو بالذات طعيب اللي iiتسوينه"!!"="حلاتك لا عشقتيني تعشقيني ليوم iiالدين
حرامٍ نسكن ضلوعه حشيمة من مجانينه"="جفا يجمع معزتنا.. ولا عشقٍ يذل iiاثنين
كثار اللي تحدّوني وقالوا لي: iiتحبينه"="أمانة.. لا تخليني صغير بعينهم "تكفين" !!
لأني كل ماقالوا "تخون"..أقول: مسكينه"="عليك الله وأمانه.. علّميهم من هو لمسكين
أنا خايف لا طاح الجمل تكثر iiسكاكينه""="وأنا ماعاد بضلوعي مكان لطعنة السكين
مثل ما قالوا: "المكتوب واضح من عناوينه"="لو ارحل منك للغربة.. باسافر من ظلامك iiوين؟!
كفايه كل حلم يمر برقادي تزورينه"="كفاية من تفارقنا وأنا ما غمضت لي عين
قبل يومين شفتك بالمنام وقمت من حينه"="ونمت أمس ورجع لي المنام اللي قبل يومين![/poem]