العودة   منتديات سماء يافع > ๑۩۞۩๑ الاقــســــام الأدبــــيـــــة ๑۩۞۩$ > نـبـض الـقـوافـي

نـبـض الـقـوافـي (للإبحار في الشعر النبطي والفصيح .. لا للمنقول)

-==(( الأفضل خلال اليوم ))==-
أفضل مشارك : أفضل كاتب :
بيانات السعدي التامي
اللقب
بيانات الصقر اليافعي
اللقب


بدع الشاعر الكبير احمد الصنبحي وجواب الشاعر الكبير محسن صالح اليافعي

نـبـض الـقـوافـي


المواضيع المتشابهه
الموضوع كاتب الموضوع المنتدى مشاركات آخر مشاركة
بدع الشاعر محمد صالح عويضان وجواب الشاعر الكبير علي بن ناجي القاضي (خولان) عويضان نـبـض الـقـوافـي 0 05-07-2011 08:22 PM
بدع الشاعر السقاف وجواب الشا عر الكبير احمد حسين بن عسكر السقاف نـبـض الـقـوافـي 6 26-03-2010 08:49 PM
قصيده بدى من الشاعر الكبير قطاع ارقاب وجواب الشاعر القدير احمد فضل اليافعي قطاع ارقاب نـبـض الـقـوافـي 4 19-03-2010 06:54 AM
بدع الشاعر الكبير محسن ثابت عثمان العامري وجواب المحبوش(( NEW)) المحبوش نـبـض الـقـوافـي 14 03-03-2007 12:28 AM
بدع بيرق السعدي/وجواب الشاعر الكبير محسن العامري بيرق السعدي نـبـض الـقـوافـي 14 21-10-2006 11:51 PM

 
 
أدوات الموضوع انواع عرض الموضوع
المشاركة السابقة   المشاركة التالية
قديم 16-01-2009   #1


الصورة الرمزية ابواحمدالكلدي
ابواحمدالكلدي غير متصل

بيانات اضافيه [ + ]
 رقم العضوية : 2134
 تاريخ التسجيل :  19-10-07
 أخر زيارة : 24-12-2017 (11:21 AM)
 المشاركات : 511 [ + ]
 التقييم :  1296
لوني المفضل : Brown
افتراضي بدع الشاعر الكبير احمد الصنبحي وجواب الشاعر الكبير محسن صالح اليافعي



البدع من الشاعر محمد احمد الصنبحي :-





قال الصنبحي مستحيـل نتخلـى عـن المؤتمـر
يالله يا شباب ادعمـوه بالترشيـح والانتخـاب
لأنه صانع المعجـزات والرمـز الجليـل الأغـر
نفسه رئيس المؤتمر والرجـل العظيـم المهـاب
رئيسنا علـي للأبـد فارسنـا علـي وان أمـر
أمره فوق روس الجميع مجزي بالعمل والثـواب
باني منجزات اليمـن فـي جـواً وبحـراً وبـر
الهيج الكبير القوي ذي نابـه كسـر كـل نـاب
من غيره يقود اليمن من غيـره يصـد الخطـر
عن شعب اليمن واليمن من غيره ملم بالحسـاب
كلمت حق باقولهـا ذي مـا تعجبـه مختصـر
يشرب له من البحر ماء مالح بل ويوكـل تـراب
ردوا له بجملـه جميـل لاشـي طـف ولا فتـر
قد ضحى من اجل اليمن و الوحدة بشيبه وشـاب
و اعضاء المؤتمر بارزين يا محسن بروز القمـر
من روس القبائل ومن خيرتهم حسب وتنسـاب
باعطي لك مثل عنهم من عنـدي مثـل معتبـر
ياسر من بلاد العواض والدولي عوض من نصاب
والباقين من مثلهـم بالهيبـة ونفـس الصـور
كمن جيد كمن بطـل ونعـم بالرجـال الصـلاب
ماباننتخب غيرهـم والله لـو نصـل ع الخيًـر
من صفوت رجال اليمن ولا نغتصبها اغتصـاب
السلطة لنا من زمـن واحنـا زرعهـا والثمـر
مانتـم ماتليقـوا لهـا بعـد الغـدر والانقـلاب
الاستحقاق لأصحابنا في خيـر المسيـرة وشـر
اللي دافعوا عنها و انتـم فـي سجـل الغيـاب
انته داخل المملكـة مؤمـن بالقضـاء والقـدر
و أصحابك بيتصكعوا في لندن علـى كـل بـاب
في من باتحط الثقـة لاطـاب السـلا والسمـر
بالميدان ياليافعـي بيـن البـل عـوج الرقـاب
هـل باتدعـم المشتـرك أو باتدعـم المؤتمـر
أو باتلتزم بالحياد فـي ميـدان شانـي وحـاب
امسك لك باقوى صبح لا تمسـك بعـود العشـر
خذ مني نصيحة بلاش بنصح حضرتك والجنـاب
رشح صاحبي وادعمه واسحب صاحبك بالبصـر
لاتخشى صرير الحنش قد راسه معـي بالجـراب
خيَرت قومكـم عندنـا قـاده بالعمـل والمقـر
يتصدوا لأعداء اليمن في سهل اليمن والشعـاب
يكفونا خلاص غادروا لا كوبـا وغـرب المجـر
باتلقوا لكـم بالمجـر تخزينـه وحبـه شـراب
خلوا ارض حمير لنـا بانبنـي حجـر لا حجـر
وانتم والهنود ارحلوا والصومال بيعـوا كـزاب
رغم أني بغيتك معي في لبعوس وسـط الهجـر
لو بايدلك الله تكون بالطاعـة وحسـن المـآب
مالك من بقايا الإمام والليـوي وعسكـر شبـر
أصحاب اللقاء المشترك عصبه مايساووا عصاب
غشوكم بطول اللحـأ والمظهـر وفـرش الغتـر
يا محسن على كتافهم والمعنـى بطـي الكتـاب
بايتناحـروا بينهـم لافـازوا أمــام البـشـر
مهما اتمظهروا بالؤام في بيت الضبـا والذيـاب
قد ماجمًع اعدأ الزمـن غيـر الغـدر والمنتظـر
منهم مثل ما قلت لك مهما اتوحـدوا بالخطـاب
كلن له هدف واتجاه مثل القرش مصـرور صـر
حد تاجر وحد محترف بأشعال الفتـن والخـراب
واحد جاء من أقصى اليسار من ميدان كراً وفـر
والثاني من أقصى اليمين واب اليوم سبعين واب
بايتحاسبوا في رجـب يـا شـوال بلـغ صفـر
والمسكين شعب اليمن بايصلـى شديـد العقـاب
قد سارت دفع قبلهم من غـادر سكـن واستقـر
في هثرو مخلف وراه الشنطـه وحبـل الثيـاب
ماداعي لـذأ الزوبعـه نافـس والتـزم بالحـذر
من تعكير صفو اليمن ولا غسـل مـخ الشبـاب
احذر من مخابز تعز والسـادة وبعـض الغجـر
لايرموك ياليافعـي فـي نـار التعـب والعـذاب
لاشي عيب بالمؤتمـر ولا شـي فسـاد انتشـر
في عهده بسيط العلاج مالك من نعيـق الغـراب
ياسهلاه معنا اعشـره ولا خمـس تعشـر نفـر
مسؤليـن متنفذيـن ماهـم بالجفـى والعتـاب
حددهم بحسب الرتب والمنصب وحجـم الضـرر
اللي بالبلاد الحقوه وابشـر بالجمـل والزهـاب
وان ماشي معك مايفيد بعطيك العمـى والصـور
ماتخلى البيوت الكبار من قمَـل ولا مـن ذبـاب
أمـا تركتـك الاولـه ذي وصيـت للمؤتـمـر
هم من خربوا سمعته بل هم من غدر به وعـاب
صاروا من كبار السرق ذي في مكتبـه والممـر
المسـؤل والعسكـري بطاشيـن بالأحتـسـاب
ظاهرهم من المؤتمر والباطن بمـا خفـى وسـر
هم من الأشتراكي اكيد ما حاجه لنـزع الحجـاب
يكفـي بطلـوا لاهنـا كـل اصوابكـم بالخـوَر
ياهل القيل والقلقلة ما واحـد بوجهـه مصـاب
كـذا بيـن متمرديـن رقاصيـن مثـل الـنـوَر
من ذا الواد لاذا الجبل شيبتـوا براسـي شيـاب
لا قارنت قـارن بمـن متعفـن سبـول الوصـر
والفارق امامي كبير وين الحاظنـه مـن طيـاب
هـذا ماصـدر مننـا جاوبنـي علـى ماصـدر
شفني منتظر الاعتراف منك في نصوص الجواب
وان انكرت انماشي عليك بايقع سحب مظني وجر
لما تعترف بالغلـط مـن قمـة ثمـر والرحـاب
مابايدعـم المشتـرك غيـرك ياقصيـر النظـر
ولا شخص مثلك غبي غوري من رعات الـدواب
ختمنى بذكـر النبـي ماهملـل قنيـف المطـر
واسقى الخضر واليابسه الراوي وذي هي غواب










بسم الله الرحمن الرحيم


هذا جواب الشاعر الكبير محسن صالح اليافعي على الشاعر الكبير احمد محمد الصنبحي





قال اليافعـي مدفعـي مـن راس الشوامـخ هـدر
من لبعوس لمـا رصـد قـال اتجمعـوا ياشبـاب
قـال اتجمعـوا لعشـره يايافـع بجـلـة يـهـر
وتغـدوا بـوادي بنـاء واتعشـوا بـوادي كتـاب
يالله اكفنا شرهـم هـم عـن مـن لعنتـه اشـر
هم عاله على المجتمع هم اصل البـلاء والخـراب
شله مـن بقايـا الأمـام ذي بيقطرنـون البشـر
فكـر الشلـه الفاسـده اخطـر مـن رذاذ الذبـاب
يضطرينـي الصنبحـي اعمـل مثلمـا منتـظـر
واكسّرصناديقهـم واحفـي بالعـيـون الـتـراب
عبر النت ياللأسف من بـو صقـر جانـي خبـر
مضمونه خطأ في خطأ خارج عن طريق الصـواب
كنت احسب بن الصنبحي من ذي شاركوا في خمـر
وانه غـد أو بعـد غـد يعلـن عالطغـاه انقـلاب
لكن للأسف صاحبي خـذ ريشـه ونقـش حجـر
وتمظهر في العولمـه سـوي عالحقيقـه حجـاب
في برنامج الصنبحي مـن يقتـل اخـوه انتصـر
ليته بعـد قتـل العمـد وارى واقتـدى بالغـراب
الخائـن بمـا نفـذه عـاده يهـتـري وافتـخـر
يتفاخـر أمـام المـلا انـه خـان فينـي وعـاب
واصل في طريق الخطـأ واتجـاوز قليـل البصـر
غلـق 19سـنـه بيصـيـح ويتـبـع ســراب
ذي شعوذ بن الصنبحي متخصص بسحـر النظـر
ماترجا له العافيه بـه جنـي مـن اهـل الكتـاب
ياعيبـاه يالصنبحـي للوضـع البغيـض استمـر
ونتعـود البلطجـه ياحمـد منـكـم والـطـلاب
يانائم على مسمعك فـي مسجـد ضـرار الخطـر
لاتغتـر بعلامهـم اويغـريـك فــن الخـطـاب
ياكم عضو في المؤتمـر مايعـرف عـن المؤتمـر
جمعهم من اجل العدد اسهم فـي شركـه لكتتـاب
السـارق امـام اعينـك فلـه فـل وموتـر همـر
من مال الجياع الجشع ياكل ماحلـي لـه وطـاب
هم ذي ياكلـون الدسـم وانتـم ترفعـون السفـر
هذا طبعكم من زمن من شـبّ علـى شـي شـاب
الله يرحم الخالدي سي لـك فـم سـي لـك نخـر
وانته كنت كالعنكـداد ضـاري عالعنـا والهبـاب
كنـي ببصـر الصنبحـي راسـه ياجماعـه كبـر
همه في امـوره فقـط مايحسـب لغيـره حسـاب
يالله لاسلـم فـم لـه مـن قـال اليمـن مستقـر
او مجد عصابه سـرق تنهـب قوتنـا والشـراب
ما يخشون ما يستحـوا مـا فيهـم مـلام البـور
متعض اليد اللي لها تمتـد غيـر خـس الكـلاب
يا بو صقر قدهي قبل عينك صـوم وافطـر نظـر
كلما تزرعه فـي يـدك باتجنيـه يـوم الصـراب
ايش مـن انتخابـات ذي تعلنهـا جعلـك صـور
شفهـا فلـم عـادل امـام الارهـاب هووالكبـاب
قاطعنـا انتخاباتكـم واحرقنـا السجـل والمـقـر
ضحينا على شانهـا يـا بوصقـر خيـره شبـاب
من شبوة الي حضرموت من ابيـن لشامـخ ثمـر
من مارب الي وائلـه مـن اب لانواحـي وصـاب
ديموقراطيتكـم لكـم لا تعليـق عـن مـا صـدر
قلنـا لا ومليـون لا بعـد الـيـوم لا انتـخـاب
مـا نبغـا انتخاباتكـم لـو تمطـر علينـا مطـر
وفرنا على انفسونا مصـروف المجـي والذهـاب
مجلسكـم لكـم وحدكـم يـا المتنفذيـن الفـجـر
منهو مننا يفتخـر يجلـس وسـط مجلـس دواب
اما عن رجال العواض قد هم مـن خيـار الاسـر
فيهم واهل بيضاء حسين يربطنا حسب وانتسـاب
مهما قلت بيضاء علـى والراعـي بتـول المحـر
هي بيضاء حسين اسمها ياحمد ايش جاب الي جاب
بعد الشمس حمير عليك واللي تمتدح فـي عصـر
لن مالك صلـه بهلنـا قحطـان الرجـال الطيـاب
يرحل كل من هو غريب من قبـل ايجيـه السقـر
ياحمد وانت من ضمنهم لا طهران حـان الذهـاب
ما لومك ولا عاتبـك زمـر لـك مـع مـن زمـر
بؤره للوبـاء والفتـن ترغمنـا لكشـف النقـاب
قلت ان معظم اصحابنا معكم فـي عمـل مستمـر
وانته قبلها قلت لي هم سـاس البـلاء والخـراب
بتناقـض كلامـك ولا تـدري ايـش بالمنـحـدر
مثلـك مثـل علوانهـا بالدبـوس يجـذب جـذاب
واصحاب اللحاء الغانمه اهـل العلـم اهـل الفكـر
هم من ايـدك يومهـا عالوحـده فعلـت انقـلاب
لو مـا صابنـي بندقـي والله مـا تعـدوا شبـر
سهلها لـك الديلمـي عبيـت الخيـش والجعـاب
لو عندك قوى ضاربه مـا وسطـك دوحـه قطـر
للحوثـي ومـا يمتلـك غيـر الاليـه والحـراب
متوقعـت شاعـر كبيـر مثـلـك ينتـمـي للهور
وانته كنت شاهد عيـان عالماسـاه والاضطـراب
مهما كنت تحت الضغوط او صابك جنـون البقـر
لا تقارن وعول الجبل ياحمد فـي طـوال الثـراب
غيـر نغمتـك لولـه لا تعـزف بنفـس الـوتـر
قبل القوم يغضب عليك في حمـره ووادي رسـاب
قلت اني في المملكـه مؤمـن بالقضـاء والقـدر
واصحابي بيتصعلكوا في لنـدن علـى كـل بـاب
ذي ما بالقضاء والقدر امـن يعلـم ان قـد كفـر
لا تؤمن بعمك علـى ويلـك مـن شديـد العقـاب
اصحابي رجال العمل وانـت اسـال وقـص الاثـر
عنهم في جميع الدول كمـن جيـد فـارس مهـاب
معروفين ابنـاء النـور واللـي طعنهـم بالخـور
لو حد من بقايا الامام با يعطيـك عنهـم جـواب
ما فيكم ثقـه خيـر شـر كـلا منكـم خـذ حـذر
من خان اخوته بايخون عز الاصدقـاء والصحـاب
للاحـرار يابـوي انـا دايـم تحفـرون الحـفـر
عبتوا كمن اعصـر شنـب ذي بيعطفوهـا رقـاب
امثال الثلايـا ومثـل ابـن القردعـي ذي اشتهـر
والحمدي وكم من بطل من تحت الصـلا والتـراب
تمدحهم وكم منهـم ياحمـد قـد حملـت الاضـر
وارضك ذي بسط فوقها معهم عضو فـي الانتـداب
ذي حطيك فيها شقي عمرك ضـاع واصبـح هـدر
وللي خذت فوقه سلف يشتي عمر ثانـي اغتـراب
يا حمري كفي لا هنا افضـل لـي ولـك لا ضـرر
لي نهجي ولك منهجك نهـج الجاهليـن الطبـاب
جابوا لي مرض لقرحـه بالامعـاء ولثنـي عشـر
سوق الملح مامنه خير غيـر الضغـط والالتهـاب
واختمها بذكر النبـي مـا يتلـوا جميـع السـور
يوم البعث يشفع لنـا ساعـات اللقـاء والمئـاب


 

رد مع اقتباس
 

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


All times are GMT +3. The time now is 02:02 AM.


Powered by vBulletin® Version 3.8.7, Copyright ©2000 - 2026, Jelsoft Enterprises Ltd. TranZ By Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas

جميع الحقوق محفوظه لمنتديات سماء يافع

a.d - i.s.s.w

mamnoa 4.0 by DAHOM