ابدأ يومك بإحساس جميل:
ومنو يقووم الصبح وهو مب مستانس غير اللي متعب عمره بالسهر اللي يقوم الصبح يقول اصبحنا واصبح الملك لله الواحد االقهار .. ولازم يكون عندك امل بانه كل صباح احلي من الصباح اللي سبقه لان النفسيه تأثر وايد فالشخص ^_^
احتفظ بابتسامة جذابة على وجهك :
الابتسامه في وجه اخيك صدقه بس هالايام ما تقدر تبتسم فوجه الناس اذا ابتسمت البنت للبنت قالت الثانيه خير تعرفيني ؟؟ .. واذا ابتسمت البنت فويه الولد بيقول ورااها الا ارقمها يعني فهالزمن الناس ما عرف كيف تفكيرهم
الحمد الله علي كل حال
كن البادئ بالتحية والسلام :
اولا تكسب اجر وثانيا محبه الناس
كن منصتا جيدا:
هنيه كل واحد يعمل باصله يعني اللي يبي شخص يسمعه وينصت له المفروض يكون هو من اللي يسمعون للناس وينصتون يعني تعامل الناس مثل ما تحب يعاملونك
خاطب الناس بأسمائهم:
احلي اسلوب فالكلام انك اذا كلمت شخص تناديه باسمه واذا ما تعرف الشخص من الذوق تقوله لو سمحت اخويه او لو سمحتي اختيه
ابدأ بالمجاملة:
هنيه انا ما اوافقج ع الكلام اللي قلتيه المجامله بشكل عام تعني النفاااق وهذه الصفه ابدا ما تعجبني وفيني طبع اذا جاملت شخص اجامله مره مرتين اذا اضطريت وبعدها اقووله يا فلان تراك ما تحدرلي من زور نهائي هههه
قم بإعداد المفاجأة لشريك حياتك:
مب شرط تفاجيء شريك حياتك بهديه ماديه الهديه تكون احلي بكلمه اذا كنت رجل تفاجيء شريكت حياتك بكلمه طيبه وكلمه حب واذا كنتي حرمه تفاجيء شريك حياتهااا بحنانها وصدق مشاعرها وطيبه قلبها
كن السبب في أن يبتسم أحد كل يوم:
يبتسم مب يضحك طول اليوم هههههههه الابتسامه دايما تكون بعمل الخير
كن دائم العطاء:
انا امشي علي شغله اني اعطي بدون لا انتظر مقابل بس اذا وصلني مقابل ما اقوول لا بس دايما الشخص لازم يحط فباله انه يعطي لوجه الله تعالي
سامح نفسك والاخرين :
اذا غلطت فحق نفسك سامح نفسك واذا غلطت فحق الناس اطلب السماح من الناس و شووو ما يصير كون متسامح حتى لو انظلمت لان فيه رب العالمين اللي ياخذ لك حقك اذا لك حق وياخذ حق الناس منك اذا ظلمتهم
استعمل دائما كلمتي
“من فضلك” و “شكرا":
بهالكلمتين تقدر تكسب قلوب واحترام الكل
المواضيع المتشابهه
العرض العادي
