اجمل بيت شعر سمعته او اعجبك

لن تشعر انك عاشق...حتى يتالم قلبك بدون معنى...حتى تبكي بدون حزن...فقط لان حبيبك يتالم يحزن يبكي....

ي سلام ثوري على جيش شعبي

ليت كل الناس بأوصاف الغيوم
لا سواد .. ولا نفاق .. ولا ريا
تسكب الأمطار من فوق الهموم
وتنثر الدمعة على شان الحيا

نكتم شعور قلوبنا من حيا الروح
‏دام الاماني .. بـ المحاني گثيره

‏احيان نطريها على ، البال وتروح
‏واحيان تطغى بـ الخفوق وتثيره

مدام كثر البوح بالصمت ساجع
فلا لي على قل المواجع ملامه
اخاف من حرفي تبين المواجع
ورجع ادور في سكوتي سلامه

‏ليت الاماني تحقق لا تمنينا
‏وياليت الأيام تجبر في خواطرنا
‏على دروب الأمل سقنا خطاوينا
‏يالله عسى خيرة الأيام تنطرنا

‏يارب تجمعني معه في حياته
حبي شريف ونيتي كلها خير
احب ذاته ماعلي من حلاته
متميز بعقله ودينه عن الغير

‏ما بعد عسر الزمان أﻻ تياسيره
‏لو سود اﻻيام تفجعنا حقايقها
‏
‏بنسوقها في رجا اللي مالنا غيره
‏خلاق اﻷنفس ، وكافلها ، ورازقها'

ارسل سلامي مع نسيم الهبايب
لاذعذع الشرقي وهب البرادي
كم غالي عن نظرة العين غايب
ماغاب عن قلبي وداخل فؤادي
مشتاق اشوف اغلى البشر والحبيايب
هو ذا غذا روحي وشربي وزادي

‏سلامي على المتواجدين فرد فرد
من قلب صافي يمدالخيرمن جوفه
يسعد مساكم وماني طالبن رد
النفس لأهل الطيب ما هي بمكلوفه