اجمل بيت شعر سمعته او اعجبك

المشاركة الأصلية كتبت بواسطة أنتصار حطني جوا بعيونك شوف بيا الدنيا كيف أحلا من شوقي وجنونك لما جيلك يوم ضيف والله واحشني زمانك جلستك حضنك حنانك يا منى روحي وقلبي تعبت اداري فشتياقي زحمة حولي ومنَي لاقي وقت وفرصة للتلاقي والله واحشني زمانك جلستك حضنك حنانك ودي أشيلك وأسافر وأترك العالم وأهاجر حتى تعرف لجل عينك قد إيه أقدر أخاطر والله واحشني زمانك جلستك حضنك حنانك

ما شا لله بدعتي يابنتي شعاره وما نعرف

من كلمات المرحوم علي محسن الهندي

قل ابو زين بخذ لي على الأرض دورد
وانظار الشمس من بين القمر والكواكب

هذا البيت عند اصفاف والمرحوم معروف عند الاصفاف
كلامه موزون ومهدوف الكل بيعرف الهدف

المشاركة الأصلية كتبت بواسطة الصقر اليافعي ما شا لله بدعتي يابنتي شعاره وما نعرف

وين شاعرة بو علي الله يخلي العم جوجل
يا ليت والله للأسف أحب الشعر لكن لست بكاتبته

المشاركة الأصلية كتبت بواسطة أنتصار وين شاعرة بو علي الله يخلي العم جوجل يا ليت والله للأسف أحب الشعر لكن لست بكاتبته

الله يحفظك الي الي يحب الشعر يقدر يكتب
الشعر ومره من جوجل ومره من راسه الشعر هوه افواج
ربي يحفظك يا ام محمد

عوامل العشق ؟ ماتعرف زمان و مكان
‏وسحايب الشوق تمطر دون سابق رعد
‏ياناس حطوا مشاعركم .. ببر الامان
‏الحب راعيه .. ياما قام ياما قعد .

المكان الذي يجهل حضورك
لاتـداني بـقائك فـيه واصـل

خذ من العز والرفعة غـررورك
واجعل الذل من ،حدك ونازل

‏راقي بهمسك وبالمشاعر وبالذوق
والذوق بذوقك يصبح الذوق راقي

تسرق بطيفك بالوله سايق الشوق
حتى بقربك لك من الشوق باقي

الهوى خلا فؤادي بين هم وبين حيره
‏لا تحرر من عناه ولا اهتنى بالوصل مره

‏دوروا لي عمر ثاني هالعمر ماخوذ خيره
‏بين لوعات الغياب اللي التوى خيره بشره

‏ما سكن غيره خيالي والغلا ماهو لغيره
‏واحدٍ لا من طرالي جاب طاريه المسره

‏والله اني في غرامه لين لحظاتي الاخيره
‏ما تنزح لين نجم سهيل ينزح من مقره

شيله من القائمة من طاح من عينك
فلا حسافة على من خاب ضنك فيك

رد الوفاء بالوفاء يقضي. على دينك
والنية الطيبة. من الخطأ تنجيك

لو بكيت دموع عيني ما تفيد
وان شكيت.. الشكوى فيها مَسَد

كل يوم يذوب في قلبي وريد
اتصبر مير ما عندي جَلَد

نار شوقي لك يذوب لها الحديد
وانتثر دمعي على خدي بدد