ابدأ بنفسك ...

السلام عليكم ورحمة
ابدأ بنفسك ...(باللهجة المصرية)
قبل ماتنجح في أي مجال من مجالات الحياة..
لازم تنتصر على نفسك الأول.. تنتصر في المعارك الداخلية اللي جواك الأول..
كل التغيير في الدنيا.. يبدأ من عندك..
حتى يغيروا ما بأنفسهم..
كتير منا بيبص لنفسه في المراية.. و مش راضي عن نفسه..
بيقول لنفسه يا سلااام لو كنت كذا أو كذا..
و مش واخد باله.. انه لو غير الأصل.. الصورة هاتتغير..
مش واخد باله انه لو عاوز صورته في المراية تتغير.. فهو محتاج يغير نفسه..
و يقدر يغير نفسه..
و لكن للأسف.. ناس كتير في مأساة.
المأساة الحقيقية ..هي ان الإنسان مايتحركش و ياخد خطوة ايجابية في حياته
حتى عشان يحقق أهم الأمور عنده في الحياة..
المأساة الحقيقية ..ان الإنسان مايستغلش الطاقات اللي انعم بها الله سبحانه و تعالى عليه..
مايستغلهاش لأقصى طاقة.. و أقصى مدى..
عامل بالظبط زي واحد طويل.. لكنه ماشي مأتب...
غير واحد طويل و ماشي فارد طوله بأقصى قدر يستطيعه..
من الداخل إلى الخارج
طب عشان نتغير.. نبدأ منين؟؟؟
بالتدريج..
احنا بنزحف قبل ما نتعلم المشي..
و بنتعلم الحساب قبل مانتعلم الجبر..
و قبل ما نصلح الناس من حوالينا.. محتاجين نصلح نفسنا الأول..
عاوز تغير حياتك؟؟
ابدأ بنفسك.. مش بأهلك.. أو اصحابك.. أو أساتذتك..
كل التغيير يبدأ من عندك انت.. من الداخل.. الى الخارج.. و ليس العكس..
في يوم أحد الحكماء قال كلمة عجيبة قوي....قال..:
اقتباس:
لما كنت صغير..حر.. طليق.. مافيش عليا مسئوليات.. ماكانش لخيالي حدود..
حلمت اني اغير العالم.. حلمت اني أغير الوجود..
و لما كبرت.. و زادت خبرتي.. و زاد علمي..
لقيت اني مش قادر اغير العالم..
فقررت أصغر حلمي شوية.. و اكتفي باني أغير بلدي بس..
لكن لقيت اني برضه مش قادر اغير بلدي..
و لما دخلت مرحلة الكهولة..
قررت في محاولة أخيرة يائسة.. اني أكتفي بإني أغير عائلتي.. و الناس القريبين مني..
و لكن للأسف.. برضه فشلت في ده..
و مرت بي الأيام..
و انا دلوقت على فراش الموت..
و أدركت لأول مرة في حياتي.. اني لو كنت غيرت نفسي الأول.. يمكن كنت قدرت أغير عائلتي لأني كنت هابقى قدوة و مثل ليهم..
و بتشجيعهم و دعمهم ليا و وقفتهم جنبي.. يمكن كنت قدرت أغير أحوال وطني للأحسن..
و مين عارف.. يمكن كنت قدرت أغير العالم كله..
ده الغرض من موضوعنا النهاردة..
اننا نبدأ من جوانا.. نتعرف على نفسنا اللي تاهت مننا وسط السنين.......:cool:
...................ودمتم سالمين

ماشاء الله اختي العزيزة مصرجعة موضوع في قمة الروعة
سلمت يداك منتظرين لمساتج السحرية الى الامام دائماً
دمتي بود

اكيد مميزه ومبدعه واعترافك انتي واخوي فارس يافع شهاده اكيد اختي الكريمه مصرجعه تعتز بها

تسلمون على الكلام الطيب والله مدري شو برد عليكم خجلتوني
والمنتدي اكيد متميز بمشاركتكم القويه والمواضيع الرائعة
واختي عاشقة القمر خلك من الشك ..

دائماً حلقي اختي الكريمة مصرجعة اتمنى لك كل التوفيق
اختيارك رائع للمواضيع الهادفة دمتي بود اخيك فارس يافع