اول مشاركة ليه 00000

ضاع عمري بين شات وبين روم
صرنا نهرج هرجً بليا كلام
نضحك انقول اننا نطرد هموم
نكذب انقول اننا بعشق وغرام
والصراحه مالنا فيهم لزوم
لا بهند ولا ببسمه ولا سهام
من يحسب العمر دايم ما يدوم
يا حرام العمرِ ضايع يا حرام
اكتب الليله على ضو النجوم
قصةً كلها ضلامً في ضلام
من عرفت الشات والدنيا تحوم
احسب اني معتلي صدر الوسام
نايمً حظي عجز والله يقوم
ليت حظي ليلةً بالعمر قام
والمصيبه مدمنن يومً بيوم
شايف النكات والله بالمنام
والمسنجر مثل ثعبان السموم
يلدغ بصوته وشوف الموت كام
ترسل النبره كما رمي السهوم
تحرق اجواف الخلايق بالسهام
هذي بنتً شايله نص الهدوم
ما نقول الا على الدنيا السلام
تفتن اللي مالهم حيله وعزوم
ينجرف لا شاف برقع او لثام
والمصيبه كلها كتلت شحوم
والشحم مزحوم من فوق العظام
لـدرى ابوها يصير فيها علوم
جلطةً مع نص موته يا سلام
ولا غيره خايفً غيره يلوم
يعلن الرايه لبنته بنهزام
يمكن انها في بحر حبه تعوم
يصبًر النفس الرديه بنكتام
ياللي تدخل شات بجمعكم عموم
ويش سوينا بعد شهر الصيام
لرسم شيطان مخك لك رسوم
اذكراللي ما عمر عينه تنام