بدع الشاعر بكيل السلفي

[align=center]بسم الله الرحمن الرحيم

بدع الشاعر بكيل السلفي

بذكر الله انا ببدى قصيدة نارها تلعج
ارتبها على الطابور عدد كلماتها بالفوج

على درب الهواجس مقبله كالضواء لاسرج
بتتسابق على الفتر عدد افرادها والزوج

وقلت اقفل قوافيها بحرف الجيم بالمخرج
وامشيها انا سيده اذا شفت الحرف معوّج

انا سلفي ولي اسمي يرجرج كل مايرتج
قبيلي واعرف العاقل واعرف من هو المرجوج

وذاك الحيد هو حيدي ومنقاشه حجر دحرج
انا باني بيوت العز بيافع اسمنا مدموج

يخبط بالجبل راسه اذا في واحداٍ يحتج
وهل يقدر احد يوقف ببحر ٍ عالياته موج

وضوء الشمس بايشرق متى ماليلها يزلج
على مر الزمن هاذي اصولي بالفخر منهوج

ودقني لاكبر حمّر لعيّج النار مايثلج
لي دميّن في عرقي طهيفي وبن سند ممزوج

طهيفي ماعجي يعجى ووقت الشعر مايفلج
شموخه فوق ماتعلى على قمّاتها معروج

وذي يسمع قصص جدي يلجج فوق مالجج
فتوحات الزمن لعوج كتبناها مع ياجوج

ولوبمدح انا اخوالي انا والله ماباحرج
وكيف احرج وهو لابج ولاقد يوم جي ملبوج

قمم افرست ومن ينظر الى قمّاتها يهنج
تهنج كل اعضائه وخوفه صار به مخروج

ومن يدخل معه بالعند ليله بايضل يفهج
وكر الذئب لاتقربه لانك باتقع محروج

ولو قد قال يالهاجس سمعه البكم والاصنج
روائع من زمن اخر تذوبها جبال اثلوج

انا تلميذ في بحره بحور الشعر ذي توّج
وهو استاذ في الساحه بأسمه سجّل المنتوج

وولجها ابو عطفه بذاك الشعب هو ولّج
ورجعها على يدي قصيدة سمّها مهروج

وانا ذا الحين بختبره باشوفه هل معه مخرج
واذا قد هو تملعط باعذره وادفع عليه الحوج

انا بحزيك من بازل على كم ناس يتبلطج
وقلبه فسل ماينهك يواجه جاهلاً مرجوج

بكره جابته جاهل عفن يبكي ويتفهجج
حنبلي عضم بالرقبه وبالرقبه حنب معوّج

وصلو عالني واله عدد ماتعكر وتفرج
محمد لاذكرت اسمه كئنه عطر به ممزوج

تحياتي[/align]

بسم الله الرحمن الرحيم

رد عصام بن طهيف

ابدا بالذي بذكره هموم الناس تتفرج
ومن يمسك بحبل الله يضلّي همهم مفروج

ومن بايتقي ربه إلاهي حط له مخرج
يكفيه اذاء الناس ويبعد عنه جان ٍ عوج

يلطفنا ويرحمنا يوم الارض باترتج
ويوم ٍ فيه لاينفع ولايفيد الولد والزوج

ومن هو كان يزرع خير بايلقاه بالمخرج
ومن هو كان يزرع شر لازم يحصد المنتوج

الا يامرحبا حيى الااف ممسى برقها يلعج
وماحنت رواعدها وماقطر المطر مهزوج

ويا مرحبا عدد فصحات بو عطفه وما سرج
بالابيات ذي جتني ذي فيها العسل ممزوج

منهو ذي تدخل في فنون الشعر وتخرّج
وجاب ابيات منضومه وفيها الوفاء مدموج

انا لي فخر بك زايد وتاج ٍ فيك باتوج
وبعلنها وغنيها بعزف العود والدربوج

شاعر انت بشهدها ومن عارض ومن يحتج
براسه يلطم الحطه يخلي ركنها معوّج

انا بهديك ثوب العز لاتخجل ولاتحرج
وصنعه من فصوص الماس ونوع ٍ بالذهب منسوج

ولاهو مدح بك زايد لانك بحر تتموّج
وافكارك ميانيها وكلماتك وشعرك موج

الداخل بيننا خسران اخاف انه بيتوهج
خسر من بايزرع الفتنه من كذاب او بلطوج

وذي ماحسّب لنفسه بايعثر ويتزحلج
وبايصبح ضحيتنا ويصبح بيننا مفدوج

واما اللغز ذي جبته افا بالله ماتحرج
ولاهو من الالغاز ولاكنه لغز لحوّج

ولغزك لغز عبدالرب بن احمد وذي خرًج
وياصغيري ارزن رجائن لاتكن مرجوج

انا بتحمل اقوالك ومانا صغير اتبلطج
وباجازيك بالحسنا لان فيني الوفاء مدروج

وهذي هي طبايعنا طهيفي اصل يتبرمج
وحنا نسمع الزينه والشينه اذنها مصنوج

واما لغزك الثاني سليمان الذي تزوج
ملكة سباء بلقيس وسليمان صار الزوج

ونمله ذي نادت نملها وصوتها ينضج
وتدخلهم مساكنهم وخلّت بابها ماموج

وانا بحزيك من بكره غريبه امرها محتج
وهيه راكبه عالهيج فوق الضهر والهجهوج

وهوه ساكت عليها وهيه تحكم بحكم اعوج
واكلها والشرب من بين العظم ممزوج

بذكر المصطفى اختمها الرسول الذي عرّج
شفيع الناس يوم الناس هناك تحصد المنتوج

تحياتي
رد عصام بن طهيف على القصيدتين بس بالقافيه الاولى