الخالدي شايف بعد ان شاف ورطة الوحده
القصيده هاذه اقسم بالله اني احببتها من قلبي واني ارى فيها الحق كالشمس في كبد السماء
[poem=font="simplified arabic,5,black,bold,normal" bkcolor="transparent" bkimage="" border="double,10,red" type=2 line=0 align=center use=ex num="0,black"]
الخالدي قال شايف بالنسم=باعالج الجرح من سم الحمه
لان عاد جرحي مكانه مالتحم =وعاد لصواب زاده ورمه
لحد ذا الساع ماخف الآلم= والصيدلي مانفعني مرهمه
ولا علاج الطبيب المحترم=ذي غشنا في دواء مانفهمه
ماهو دواء ذي وعد به والتزم= وقال مضمون شمّه واطعمه
لا رايحة له ولا نفحة وشم= بل علّ جسمي وعاده سممه
اشكي لمن مابحالي يازخم= من باستشيره ومن باكلمه
سنين واشهور حبلي عالفرم= زاد التعب والهموم اتراكمه
اعياني الصبر كم باصبر وكم= القلب منضاق والصبر ألمه
ماطاعني مد ساقي والقدم= من الحلق والقيود المبهمه
اصبحت في موقعي مثل الصنم= لا من يقوده ولا من يخطمه
من عام تسعين سجل ياقلم= وأنا معك مابراسي بانضمه
واسمع إلى هاجسي ماذا نضم=بطي الاوراق او مايرقمه
من يوم ذي فيه وحدنا العلم=وذلك اليوم ذي كنت احلمه
ضليت واهم بذا اليوم الاهم= واصبح حلم عكس ما نتوهمه
ثلاثه اعوام غارق في وخم=والرابعة عادها إلا طممه
وعادها محدقة من كل يم= والوضع عاده مطول موسمه
اسواء من الوضع الاول ذي قدم=من قاللي علم ماذا عالمه
لا وضع لا امن لا سلطه ولم=توجد قيادة حكيمه ملزمه
الأمن مفقود والسلطه عدم=ماقادره اي موقف تحسمه
والبطش من حصل الفرصة هجم=قصد الخفافيش مغنم تغنمه
والسلب والنهب عادات الخمم=وشغل هذاك ذا ماصممه
ولغتيالات من طبع القزم=عصابة ارهاب اجيرة مرغمة
ملطخة كل اياديها بدم=تفعل مناكر نكيرة واجرمه
واضلاع مخفي لها تحت الجرم= مجرم ينفذ واخر يدعمه
ذا يلتجي لا حجر من حيد صم=واخر جبل له من الماء يعصمه
والمشكلهة لو من تعلى رجم= او من تولى مخيم خيمه
من نعتقد انه الشهم الاشم=في وقت حالك لياليه اظلمه
ساعة نقول يامجّلي كل هم= من ينقذ الشعب اومن يرحمه
اصبح فريسة لحيتان اللخم= وتاجر السوق يستنزف دمه
وقوت يومه تولوه الظلم=كأن مافيه حكومة تحكمه
وهل المعالي وذي فوق القمم=ماهمهم شعب اومن يظلمه
ولاهدفهم بأن نخرج سلم= لهم هدف غير يشتي ترجمه
قلنا انتهاء الامر وإن عاده اطم = والتجزئه لمتزل والشرذمه
عاد الخلافات زاده جم جم= والجزر والمد حنه واردمه
خلق إختلاف المباداء والقيم=ماتسمع إلا الهراء والهنجمه
بين القيادة وبين اعلأ هرم=صراع والبعض قد لا يعلمه
يتبدلون الشتايم والتهم=ذا يتهم ذا واخر يتهمه
واخشا إذا مايكون المتهم =إمام جامع وقاضي محكمه
وتالي الامر قدام الامم= يطلع بري فوق راسه حمحمه
واصبح غريمي وخصمي والحكم=من حيث يسداء له إني خادمه
او يحسب إن كل من حوله خدم=ذا يستفزه واخر يعدمه
ما والله ارضى ولا باقول تم=ولا اقبل العيش خارج مردمه
مانا برعوي ولا راعي غنم= او ذي امامي ولي باعظمه
اقسم وانا مثله اديت القسم =لخير او شر بانتقاسمه
لاني شريكه وصاحب وإبن عم=لي حق باصارحه واهاجمه
ماضل صايم ويده بالدسم=اصبعه بعيني ويدي في فمه
باحذره قبل يشعر بالندم=وقبل يأسف على ماقدمه
لانا اتفقنا على كلمة نعم=هو يحترمني وانا مابا ادهمه
افضل نصفي من الحب الحصم=من صان حبه يصفي جردمه
والتالية طبع الأجواد الكرم=من صاحبه ذي عزه واكرمه
ولا هنا قال ابو لوزه ختم=بدع حديثه وتالي ختمه
معفي ومعذور ينضم ما نضم=بدوي من الريف محد نضمه
واذكر نبي عد مالراعد زجم=وارخى المطر والمثورة لملمه
وعد مازار مكه والحرم =حجاج بيته وطافه واحرمه[/poem]
|
المواضيع المتشابهه
العرض العادي
