|
بدع/ابو ناصر السعدي وجواب / الشاعر الكبير ابو سيف الجانحي ---- جديد ------عدنا اليكم
قصيدة بدع وجواب مع الشاعر الكبير // ابو سيف الجانحي المحترم
راجيا من الله ان تنال اعجابكم
البدع من// ابو ناصر السعدي
[poem=font=",5,green,bold,norma l" bkcolor="transparent" bkimage="" border="none,4," type=0 line=0 align=center use=ex num="0,black""]
بو نا صر السعد ي بطيبة خاطري = وقت السلى بسلى ولو قلبي جريح
با نظم القيفان بهاجس ماطري = يمطر لي القيفان على السطر الشحيح
يا مرسلي أنشر مع ألّي ناشري = هذا كتاب مرسل لشاعرنا الفصيح
لا عند بو سيف سلام مني عاطري = بالفل والكاذي وعنبر ذي يفيح
وسلم على من كان عنده حاضري = أهل العشيرة مسكن الواد الشريح
وعطّه كتابي وقت ما هوه ناظري = وشرح له القيفان ذي وسط الصفيح
باقولها من صدق وقولي ظاهري = مثل الشموس ذي تنشرق حل الصبيح
عشرين سنه في ظلم حاكم جابري = جبار ولاكن حان من المنصب يطيح
وفي وقت متأخر ولا زال باكري = ثورة ومنهجها على النهج الصحيح
ارحل ويا الوحده قومي وغادري = اسمك خطاء والكل من افعالك يصيح
واليوم قيود الخوف عنا أتكاسري = وبانت قضيتنا من المشرق تليح
لا حزب ولا اصلاح ولا هو ناصري = اسمه جنوب الحر شاجع ما ينيح
والارض لنا تشهد ولا حد ناكري = حتى فرنسا تكتب القول الصريح
شاهد حقوق لـ نسان ونا له شاكري = ذي ستنكر الأعمال والفعل القبيح
نحنا صيام والخصم دايم فاطري = يأكل من البستان من الغصن المليح
ويشرب من الأنهار ودايم عابري = سايح على أرضي ودايم هو منيح
يله بنا خطوة ويا النفس غامري = أما حياة العز أو موتي المريح
أما السكوت لا لا ولانا سامري = لي رب واحد خالق الكون الفسيح
مسلم ومرضى الظلم أو ني قاهري = حقي ونا باخذه ولو تقرح قريح
والختم با ختم وعلى الله مأزقي = ذي يفرج الكربه من الحال المطيح
[/poem]
الجواب من الشاعر الكبير // ابو سيف الجانحي
[poem=font=",5,green,bold,norma l" bkcolor="transparent" bkimage="" border="none,4," type=0 line=0 align=center use=ex num="0,black""]
قال الفتى بوسيف طرفي ساهري=من باطلك ياوقت كم اشكي وصيح
صوبي بظهري من سلاحي نافري=واليوم خصمي فوق عرشي مستريح
صار الغرابي للكواسر ئامري=وكلابها تنبح على انماري نبيح
اواه ياقهراه ظلماً جـــــايري=لا الله يقبل به ولامؤمن صريح
هابعد حيا الله قدوم الشاعري=بو نا صر السعد ي الى الدار الفسيح
شرفت يالضيف العزيز الكابري=مرحب عدد مالــ(م) (ط) يقرح قريح
والان ياطير الحمام العابري=هذا خطابي واسربه برقاً وريح
الى بلادي حظن لبناء العامري=لذة هواها يشفي القلب الجريح
من فرقها قلبي وفكري حايري=والجسم يتعذب لهجران المليح
فيها الثقافه والجمال الباهري=فيها الاصالة نجمة الكون المنيح
من دونها كفي ملازم صابري=وقلبها من باطل الاتراك قيح
لكن قسم ان الغدِ "الغدِ نـــاضري= لابدما تعصف في الاحباش ريح
والحق لصحابه سيرجع باكري= بالسلم ولا بانجحجحهم جحيح
أنا الجنوبي أبن الجنوب الثائري=ماغازي الا ضل من فعلي يليح
اذود عن ارضي وربي نــاصري =ولكل متعجرف ومتخلف نزيح
والصبر ياالسعدي عدوي خاسري=وخارجن منها كما ابليس القبيح
رص الصفوفي نجتمع نتشاوري=ونقبل الاخر هو النهج الصحيح
اذا اردنا ريشهم تتطايري= يداً بـيـد وانختصر كثر الدويح
نضالنا السلمي طريقة سابري=والعالم استبشر واثنا بالمديح
صرنا نموذج يحتذى به باكري= صمود واستبسال للغالي نبيح
ون حد جهلني عاد قرني عاصري=وقادر انزل معترض خطي الضريح
بصدري الواقي وسيفي الباتري=وهامتي فوق القمم تنطح نطيح
واثق بخطواتي وعضدي جاسري=ينزع حقوقي من فوارس او مسيح
الى هنا سيل القوافي غامري=وختمها(طه)ذو العقل الرجيح
[/poem]
|
المواضيع المتشابهه
العرض العادي
