قصيدة بدع وجواب بين الصقر الصلاحي والشاعر القدير النسر الكاسر
[poem=font="Simplified Arabic,6,blue,normal,normal" bkcolor="transparent" bkimage="backgrounds/20.gif" border="double,6,gray" type=0 line=0 align=center use=ex num="0,black"]
[poem=font="Simplified Arabic,6,blue,normal,normal" bkcolor="transparent" bkimage="backgrounds/20.gif" border="double,6,red" type=2 line=0 align=center use=ex num="0,black"]
بديت باسم الله ماينزل المطر=واسقي بلاد الجاعله ماء طهور
واثني بذكر المصطفى خير البشر=محمد المذكور بالقران نور
وبعد يامرسل شفه حان السفر=شل التحيه للبطل نسر النسور
اهده تحياتي وشعري والفكر=من عند ابو عبد الملك صقر الصقور
يانسر كاسرشوف شوقي افنفجر=شوقي الى الاحباب في قلبي يفور
شوقي الى المعزوب ارضه والشجر=ومجلس الابطال في فكري يدور
ياقمة السوداء وياشامخ ثمر=حنيت للزبيه كما حنت طيور
من فرقهم يانسر دايم في سهر=مشتاق للقريه ومن فيها حضور
من يوم سافر وذاء حالي خطر=ابكي على الايام ذي كانه سرور
لا خل يرحمني اذا دمعي قطر=ذي يمسح الدمعات عني والشرور
لانته بتتخبر شف القلب افتجر= والضغط والسكر على جسمي يدور
رك النظر وادبر وشيبة الشعر=مع السلامه ياشبابي والزهور
لا فرح بايرجع اذا القلب انكسر=وقلب ابوعبده بقي كله كسور
سافرت عالمحبوب سمعي والبصر=واصبحت من دونه معا وضعي كدور
محزون من بعدهوانا عمري نشر=واجمل سنين العمر ذي مره مرور
اهات من قلبي يرثي لي الحجر=يارب يسرها واجعلها سبور
مليت من روحي ودمرني الضجر=النوم هرب مني واعياني سهور
ودعتك الله ياشبابي والسمر=سافرت بدري من همومي والامور
من يوم ودعتك وفكري ما استقر=لا ردها عيشه في الغربه دبور
غربتي احزان من كل الصور=ياااح يااحيين من هذه القهور
يانسر ويش الحل شي عندك خبر=العقل يتخبط بامواج البحور
ايش العمل والبعد مابقي اثر=قصه حزينه ما بتحويها سطور
انا قصة الايام ذي الواقع نثر=قصه بتتكرر على مر العصور
هذه حياتي والباقي امــــر= لاقلت با ارويها يبقئ لي شهور
ما قول غير يارب يسر ماعسر=يارب تغشاني بعطفك ياغفور
يارب صلي عالنبي نوره ظهر=يارب تجمعنا بالجنه حضور
والال والاصحاب والراشد عمر=والمؤمن الصديق في جنه وحور[/poem][/poem]
[/poem]
الجواب من النسر الكاسر
بسم الله الرحمن الرحيموهاذا جوابي على الشاعرالقدير الصقرالصلاحي (ابا عبدالملك)
[poem=font="Simplified Arabic,6,blue,normal,normal" bkcolor="transparent" bkimage="backgrounds/13.gif" border="double,6,red" type=2 line=0 align=center use=ex num="0,black"]
يالله يامنشي مواقيت القدر=رحيم يارحمن يالله ياغفور*
استرعيوبي انت خيرة من ستر= بدعيك يارحمن يسر لي الامور*
الحمدلك اعداد اوراق الشجر= واعداد مافي برها اوفي البحور*
حمدآ كثيرآ انت تجزي من شكر= ومن يشكر النعمة تضاعف له اجور*
يامرحبا حيا تراحيب المطر= حيا بابوعبدالملك صقرالصقور*
بالعود والعنبر ومخلوطة قطر= والفل والكاذي مع باقة زهور*
حيا وسهلا قول شاعر معتبر= كامل مكمل مافي ابياتة قصور*
كلمات موزونة ثمينة كالدرر= تحمل معاني حزنها بين السطور*
ياصاحبي ماشي من الغربة مفر= دعوه علينا سارية منذو دهور*
من فرقة الاحباب عايش في كدر= لاالعيش يهنا لي ولاذقت السرور*
لاقد ذكرت الاهل حالفني السهر= سهران طول الليل لا وقت السحور*
قوتي غدا علقم ومشروبي صبر= صبرآ جميلآ اية القلب الصبور*
ماريد باجيرو ولا ريد الهمر= ولا طموحي عالقة في سكس دور*
حنين ابوفارس الى اكل الفدر= حنين قلبي للجواعل والمدهور*
اجمل سنين العمر راحت في هدر= وشيب راسي من علامات النذور*
ووضعنا مهزوز عاده ماستقر= يكفي نعاند وقتنا يكفي غرور *
ياصاحبي جهزملابس للسفر= وعود للخلان ذي هم لك نضور*
تفرح وتنعم حتى لانتة في كدر= وتعيش في نعمة كبيره في سرور*
لاتفتنك جمع الدراهم والدلر= وجمل سنين العمر قدامك تخور*
ماينفعك ركوب سيارة شفر= ولا يعود العمر في كثر القصور*
يارب اناسالك تصلح ما نكسر= وتهدي المسكين لاخير الامور*
هذا جوابي ذي على بالي خطر= والمعذره لاشي بدر مني قصور*
والفين صلى الله على خيرالبشر= على محمد صاحب القلب الطهور*
شفيعنا من نار تتوهج شرر= ساعة يقوم الناس في يوم النشور[/poem][/poem]
تمت بعون الله
اخي العزيز الصقر اليافعي الله يعافيك اذا تكرمت نسق القصيدتين انا عندي الجهاز قديم ماعرفت انسقها
|
المواضيع المتشابهه
العرض العادي
