البلاك بيري مدمر الشبااب

السلام عليكم ورحمه الله وبركاته


هالموضوووع مب منقووول من قلبي ومن قهري


البلاك بيري مب بس دمر اخلاااق الشبااب بعد دمرهم ونهاهم


اكيد بتسإلووون كيف دمر اخلاقهم وانا بقووولكم قبل لا تسإلووون


اولااا اللي ماسك بلاك بيري ما يواضب على صلاااته وانا اشوووف هالشي وايد
لانه متعايز او من كثر اندماجه يأجل الصلاه كل مره خمس دقااايق اللين يأذن لصلاه الفرض الثاني وهذا الشي صحيح ؟؟؟ والا انا غلطانه ؟؟


ثانيااا اللي ماسك البلاك بيري يطرش بدون لا يقرى يعني اي شي يوووصله عسب ما يسبقه غيره وللاسف اغلب اللي فالبلاك بيري اشياااء مخله بالاداااب وكلنا نعرف هالشي وشووو فايده اللي طرشه
شافه فلان وعلان وغيره يمكن ما يكسب اثمه لانه ما كان يدري بس اكيد بعدين بيعرف ليش ما ياخذ هالشي درس ويوم يوصله شي اول شي يقراه بعدين يطرشه ؟؟ شو بيخسر اذا قراه ؟؟ بيسبقه الثاني فتوزيع اللي وصله ؟؟؟ خل يسبقه شو يعني ؟؟؟ ليش تكسوووب اثم من شي ما يرزى ؟؟؟


ثالثااا اللي عنده بلاك بيري 24 ساعه حاط عيووونه فيه بتخرب عيووونك ؟؟؟


رابعااا اللي يلعب باللبلاك بيري يمر عليه ابوه او امه يرمسوونه وهو حضرت جنابه مب رااايم يرفع راااسه شووي عن الشاااشه عن يفوووته شي مسوووي طااف حق امه وابوووه عشااااان منووووووووو ؟؟ عشان جهااااز ما يسوووى ؟؟ انت تبي تعصي ربك عشان هالجهاز ؟؟؟ يعني البلاك بيري اهم من امك وابوووك ؟؟؟


كل هالاشيااء تدمر الاخلااق ؟؟؟



بس انا اشوووفها هينه من تدمير الانسان نفسه وموووته


يعني اللي يمسك البلاك بيري فالسياره مثبت السرعه ما بين ال 80 وال 100 وعيونه ع البلاك بيري 10 دقااايق وثانيه على الشارع ... ليش كل هذااا ؟؟
سويت حادث الله لا قدرت ورحت فيهااا ؟؟؟ بتكون خسرت نفسك على شي كنت تقدر تخليه للبيت صح والا لا ؟؟؟ بس شو الفااايده الحين من الكلام الريال مات واللي وياه فالعنايه المركزه ابوك شو بيسوووي ؟؟؟ خل ابوووك يمكن يكون قلبه قوووي ويتحمل بس شو ذنب امك الام اغلى شي بالحياااه وانت تبي تنزل دمعتها .؟؟ شو تبي الا نزلت دمعتها فيه احد يرضى تنزل دمعه امه عليه كم تسووى دمعه الام ؟؟؟


وخصوووصااا اذا كنت الولد الوحيد واخر العنقود هنيه بتم ذكراااه فقلبهااا وعقلها كل يوم ومهما مرت السنين صحيح كل شي يكبر الا الحزن يصغر بس بعد بتذكره وبتدمع عيونها عليه


يالله اقسم بالله مقهوره امس واحد من اهليه توفى بسبب البلاك بيري الله يعين امه وابوه واخوانه وخواته ويصبرهم ويرحمه يا رب


حطيت هالموضوووع من القهر اللي فقلبي شباااب فبدايه العمر يروحون بسبب البلاك بيري


انتوا شو رايكم باللي قلته شبااب وبنات ؟؟؟

صح الله قلبك ولسانك وهذا افسد ما على الكون الجهاز هذا وانا كنت سمعت انه سوف يمنع

هذا في اكثر من دوله بس ما اعتقد انه نفذ هذا الخبار والله بيكون اسعد شي في حياتي من ما اشوف

وانا بعتبر كل شخص يسمح للبنته او زوجته او اخته والله انه ضميره ميت ومنتهي

هذا مسبب خلل في الكرامه والشهامه والشرف مع احترامي لكل من يملك هذا الجهاز

هذا حق رجال العمال فقط وليس للشباب والشابات على كل حال اشكرك بنتي طعن الوفي

على هذا الموضوع المفيد والذي يحمل نصيحه للجميع لك شكري

انا بصراحة ما اعرف هالبلاك بيري لكني بسمع عنه ومن كلامك خوفتيني منه كثير ومادام هو خطير لها الدرجة اتمنى ان ربي يصرفه ويبعده عنا..
ما اقدراقول غيرالله يكفينا الشر ويلهمنا لما فيه الصلاح والخير ويجزاكم خير حبيبتي طعونة انتي والصقر اليافعي..

المشاركة الأصلية كتبت بواسطة الصقر اليافعي صح الله قلبك ولسانك وهذا افسد ما على الكون الجهاز هذا وانا كنت سمعت انه سوف يمنع هذا في اكثر من دوله بس ما اعتقد انه نفذ هذا الخبار والله بيكون اسعد شي في حياتي من ما اشوف وانا بعتبر كل شخص يسمح للبنته او زوجته او اخته والله انه ضميره ميت ومنتهي هذا مسبب خلل في الكرامه والشهامه والشرف مع احترامي لكل من يملك هذا الجهاز هذا حق رجال العمال فقط وليس للشباب والشابات على كل حال اشكرك بنتي طعن الوفي على هذا الموضوع المفيد والذي يحمل نصيحه للجميع لك شكري

الله يبشرك بالخير ابويه الصقر

خبر فرحني على هالصبح

وانا معاك فكل كلمه قلتهااا


لاعدمناك واتمنى تواصلك الداائم

المشاركة الأصلية كتبت بواسطة زهرة المفلحي انا بصراحة ما اعرف هالبلاك بيري لكني بسمع عنه ومن كلامك خوفتيني منه كثير ومادام هو خطير لها الدرجة اتمنى ان ربي يصرفه ويبعده عنا.. ما اقدراقول غيرالله يكفينا الشر ويلهمنا لما فيه الصلاح والخير ويجزاكم خير حبيبتي طعونة انتي والصقر اليافعي..

احسن لج يوم ما تعرفينه والله احسن لج
والله انه افه يا زهره
لا عدمناك واتمنى تواصلك الدااائم

من جد مخرب كل الناااااس
وربي سامعه ولد صغير بالمول يقول لبنت بالله رقم البي بي بسرع <~~ ولد صغير وربي ما توقعت حتى الصغار
الله يعين
لا تحرمينـــــــــــا يالغاليه
تقبلي مروري

المشاركة الأصلية كتبت بواسطة سيلآنية من جد مخرب كل الناااااس وربي سامعه ولد صغير بالمول يقول لبنت بالله رقم البي بي بسرع <~~ ولد صغير وربي ما توقعت حتى الصغار الله يعين لا تحرمينـــــــــــا يالغاليه تقبلي مروري

ههههههههه


هيه والله اليهال صاروا مراهقين والمراهقين صاااروا متهورين


اذا اليهال جيه شو تتوقعون من المراااهقين وعلى فكره ترى العقااال الكباااااار اللي فوق ال 30 سنه


مستويين مراهقين هههههههه


الله يعينا يا رب

- كثير ما نسمع عنة ( البلاك بيري )
بس مانعرفة لان هاذة الخدمة لاتوجد
في اليمن
بس انا بصرااحة كنت اتوقعة شي خطير
من خلال مشاهدتي لاخبارة في التلفزيون والصحف والمواقع ,
الشركة الفلانية رفضت تغلق ذي الخدمة
والشركة العلانية ,,, الخ
ومو بس بدولة الي اعرفة انة بدول الخليج أكمل
حسب معلوماتي
يعني هاذا البرنامج مسوووي دوشة اللة يهدية
ههههههه,
- أختي طعن ممكن تبسطين لنا شو ذى البرنامج ؟
-ايش آلية عملة ؟
-ليش الشباب متعلق فية ؟
و
تقبلي مروري الثقيل عليك

في السعوديه تم القاء الخدمه في هذا الجهاز اعتبار من امس الجمعه

وباذن الله يشمل دول الخيلج كلها قبل دخول الشهر الفضيل باذن الله

لانه ادمر البشر والمال والدين وهذه افاعه على المسلمين سلام

اولا والله انكم محظوظين يا اهل اليمن يوم ماتعرفون البلاك بيري


لانه آآآآآفه


البلاك بيري عباره عن جهاز موبايل بس شبيه بالكمبيوتر تشترك فالاتصالات ويسحبون منك كل شهر قيمه الاشتراك فيه ب 50 درهم وفيه ب 185 درهم بهالقيمه تقدر ترسل وتطرش قد ما تقدر من المسجات وتفتح مواقع والايميل وعندك فيه برنامج مسنجر بلاك بيري وعندك رقم سري تقدر تضيف اللي تبيه وللاسف الشبااب هالايام يضيفون كل من هب ودب


تخيل مره من المرااات وصل ع البلاك بيري موضوووع فيه رابط ومكتوب وزع القرآن الكريم على كل اللي تعرفه وبتسمع خبر يسرك وللاسف الرابط كان لموقع افلام خليعه تخيلوا لوين وصلوووا تدري ليش يطرشون جيه لانهم عارفين ومتأكدين ان الشبااب يطرشون بدون لا يشوفون من يوصلهم شي على طووول برودكاست للموجودين عنده والموجودين عنده للي عندهم تخيل لو انت عندك 10 اشخاص وكل شخص عنده 10 اشخاص تخيل الذنووب اللي بتنحسب عليك بس تكلم منو محد يسمعك هالايام


اتمنى اكون وفقت فشرح هالافه



للعلم مرووورك اسعدني وعمرك ما كنت ثجيل دم

اتمنى تواصلك الدااائم

وهذه صوره البلاك بيري