قصيده للالم لمن يريد ان يبكي

هذي قصيده كتبتها أمراه طاعنه في السن بعد ما أودعها أبنها وللإسف في دار المسنين

يامسندي قلبي علي الدوم يطريك***ما غبت عن عيني وطيفك سمايا




هذي ثلاث سنين والعين تبكيك***ماشف زولك زاير ياضنايا



تذكر حياتي يوم أشيلك وأداريك***والأعبك دايم وتمشي ورايا



ترقد علي صوتي وحظني يدفيك***ماغيرك أحد ساكن في حشايا



ياما مرضت أسهر بقربك وأداريك***ماذوق طعم النوم صبح ومسايا



ياما عطيتك من حناني وأبعطيك***تكبر وتكبر بالأمل يا منايا



لكن خساره بعنتنا اليوم وش فيك***وخلصت لزوجه وانا لي شقايا



انا أدري أنها قاسيه ماتخليك***قالت عجوزك مأبيها معايا



وخليتني وسط المصحه وأنا أرجيك*** هذا جزاء المعروف وهذا جزايا



ياليتني خدامه بين أياديك***من شان أشوفك كل يوم برضايا



مشكور ياوليدي وتشكر مساعيك***وأدعيلك الله دايم بالهدايا



حمدان حمدان أمك توصيك***اخاف من تلحق تشوف الوصايا



أوصيت دكتور المصحه بيعطيك***رسالتي وحروفها من بكايا



وان مت لا تبخل عليّ بدعاويك***وأطلب لي الغفران وهذا رجايا



وأمطر تراب القبر بدموع عنيك***ماعاد ينفعك الندم والنعايا...........
ماعاد ينفعك الندم و النعايا