الوضع العربي ياعرب للشا عر المعروف منصر اليزيدي
يا الله الحمد لك يا رب ياخير ساتر = يا مديم النعم حافظ علينا وستار
انت خالق لنا والرزق بيد ك وغافر = وانت رب السماء واسمك سمي رب غفار
هاجسي قال يا شاعر بلاش المعاذر
بعد ذلحين رافضها مواعيد واعذار
اعطني علم فصل لي قضايا وخابر = كيف حال العرب وما يقولوا بالاخبار
قلت يا هاجس ابعد لا تناقش لشاعر = هذا الوقت بيجزوا مثقف وشعار
قال لي هات وضح لي جميع المجازر = هات تفصيل من هو للعرب صار جزار
قلت له شف سببها ظلم من حكم جائر = جهل في جهل والفرقة على الحبل جرار
والتمزق سبب معروف جاب المخاطر = والطمع في حقول النفط به كل الاخطار
عام 90 سووها على أرض جابر = واصبحت والعة لكل غازي وجبار
والحقوا بعدها بغداد كله مقابر = حد مع المعتدي والبعض في شغل قبار
واشعلوا نارها وجهزوها مجامر = وسط تونس وداخل مصر ولع بها نار
قال صنعاء نسيت اليوم فيها مناكر = قل لي الصدق بالتوضيح من دون انكار
قلت صنعاء خبرها واقعة بيد ماكر = بين لحمر وبن سنحان سارق ومكار
والجنوب هات يا شاعر ورجال شاطر = قلت له غصب يرجع لو وجد ناس شطار
بس مشكلتنا خلاف فوق المنابر = والنتيجة عمل من دون تخطيط وروار
قال لي ليش سلفاكير ناجح وقادر = قلت ذا غير حصل دعم من ناس كفار
قصدهم سيطرة ع الماء بكل المعابر = بعد فترة تحصل مصر بتدور أبار
قال لي والعقيد ما عاد عنده هناجر = يقصفونه وقع له داخل البيت هبار
قلت له ما عرف يحكم بحكمه مكابر = قال قد هو ملك للمشطحة والتكبار
ضيع النفط واصبح شعبه اليوم خاسر = كله الدخل للناتو مصاريف بالبار
قال لي والبقية قل لنا لا تحاذر = قلت له لا تكلمني على منطقة حار
شفني انسان شايب وانت راجل مغامر = وانت جاسوس تتمصلح مع شخص غدار
قال لي والنهاية كيف بالحل باكر = هل معك حل أو نبقى على الذل والعار
قلت له حلها بصدق كل الضمائر = وحدة الكل ونسوي المضامير مضمار
قال لي لكن الوحدة عليها تأمر = لو معك عود فالناتو معه مئة ميشار
قلت له تضحية لا فائدة لا خسائر = وان رفضتوا تبعتوهم معمر وبشار
لا هنا هاجسي ختم مع فوج سابر = قال لي لا تكثرها وهذا لك انذار
والف صلوا على المختار من قلب عامر = يذكر المصطفى ذكره بقلبي له أثار
سامحوني عن أي
|
المواضيع المتشابهه
[/align]
العرض العادي
