أبيك تسرقني .. لروعة مراسيك

قبل الغرام وقبل ما أصير .. مغليك
أعاهدك ما أقول : غير ..( آمر وسمْ )



حتى لو إنك قلت : برحل .. وأخليك
بقول لك : تأمر على ما تبي .. تمْ


رايح أكون إنسان .. يفهم مباديك
أشاركك بالضحك .. والحزن .. والهمْ



مهتم بكْ .. وأغلي بعد من .. يخاويك
ومن لا يهمك ماني ب فيه .. مهتمْ



بفتح لك .. بصدري وقلبي .. شبابيك
وأنقش غرامك وأرسمه .. داخل الدمْ



وإنْ جاك نوم .. رموش عيني .. تغطيك
غمض عيونك وسط عيني وثم .. نمْ



وان قلت لي وش كبر حبي بخافيك ؟؟
أقول أحبك .. بس .. مدري أنا كمْ !!



أبيك تسرقني .. لروعة مراسيك
وأموت بك موتة غريق ٍ .. وسط يمْ



أبيك تدرك يوم أنا جيت أماشيك
قصدي تكون أقرب من .. الخال والعمْ



قصدي تبعثرني .. اليا مر طاريك
وأحنْ لك .. وأجيك .. ملهوف لـ اللمْ



قصدي أعشقك .. وأتمناك .. وأرجيك
وأشفق على شوفك.. وضحكك .. مع الضمْ



أبيك تفهم ..!! يمكن أقبل تماديك
وأسامحك لااخطيت .. وأقول : ماهمْ



لكن ..!! لو إنك قلت : برحل وأخليك!!
بقول لك أبشر .. على ما تبي .. تمْ

مماراق لي ..

صــــــ لسانك ــــــــــح
راق لنا مارق لك
تحياتي

كلمآآت رائعه..
وآحساس جميل...
وذوق رآقي ....
الله يعطيك آلعآفيه اخي الغالي
ورمضان مبارك وكل عآآم وانت بخير وصحه وسلآمه
دمت بخير
اخيك احمداليزيدي

مشكورين يالغالين على مروركم الرائع ..

وكل عام وانتم بخير ..

أسعدني جدا تواجدكم في متصفحي ..

دمتم في حفظ الله ورعايته ..

كلمات جميله صح الله لسان الشاعر

وسلمتي اختي الفاضله على النقل الموفق

وفقك الله لما فيه الخير

تحياتي لك (( اخيك ابو زيد اليافعي