لا اني بنت امير ولا وزير انا بكل فخر بنت فقير

هذي شعر جمييل جدا اعجبني وراق لي كثييرا
رغم انها طويله لكنها تستحق القرآءه فلا تبخلو علينا

جاني يقول لاتنسي من اكون.... انا حلم كل بنت بهالكون
يابنت انا ولد فـــــــلان... ولي جاه بين الناس ومكــــان
انت من تدخلي أي مجلس اومكان... قولي بس فلان " فــــلان"
والا اقولك من غير ماتقولي فلان... بتسمعي اسمي نغم على كل لسان
وبتقولي يابخت هالانسان... والله سيد هالزمان
وبتكوني بس معي سيدة هالزمان... وتشوفي الدلال كيف والعز والسلطان
تصدقي انا كل صيف اقضيه بـ"كان"... شفتيها او شكلك مارحتيها من زمان
بس لايهمك راح اخذك معي و لكل مكان... وتشوفي كيف عايشه الناس بجنان
و...
"قطعت عليه حكيه واحلام مالها بقلبي مكان"
لكن عندي لك سؤال ياولد فـــــــلان؟؟
ولا تظن سؤالي "كم رصيدك بالمليون
او عفوا بالبليون ؟؟
اوكم عندك من سياره وكم لون ؟؟
او ياترى هالمره بتصيف بأي مكان بهالكون ؟؟

سؤالي بما انك سيد هالزمان
هو ياترى العز اللي انت فيه والسلطان
يشري الفرح... يمحي الحزن

يعلمك النسيان
ينسيك الحرمان

او يجردك من مشاعر كانسان... وينسيك كل ماكان
بيخلي الفرح لك عنوان
يحسسك بالامان
يمحي من حياتك هموم واحزان
ويطفي جوا قلبك نار و بركان
ابسألك

هو بيرجع اللي مات واندفن
ويقصر ليل الحزن
هو مايخليك تفارق اهل واحباب وخلان
هو يوقف ساعات العمر والزمن
يخليك ترحل بلى ذكرى ووجه حزين
وماياخذك لدرب الوله والشوق والحنين
اوياترى يرجع ايام عمرك والسنين
وتلقى احبابك بشوق لك منتظرين
ابسألك هو حقيقي انت لو رحت كل ديره وكل مكان
ولو درت الكون مليون
بتنسى همك والاحزان
او تزيد احزان فوق احزان
او تجردك من مشاعر كانسان؟؟

جوابني ليه تطالعني هاللون
تبي اسكت ماكمل ولا يهمك ولا تهون

لكن اسمح لي اقول تبقى غلطان
وصدقني غلطت بالعنوان
همومي ماهي صيف ب"كان" ولا مال ولا اكون بنت سلطان
همومي اكبر منـــــــك ومن هالزمـــــــــان

انا كان حلمي قلب شاعر وفنان يملى حياتي حب وحنان
يجيني دوم بشوق ولهان يعوضني عن ايام الشقى والحرمان
وينسيني همومي والاحزان يحسسني معه بالامان
ويكون لي جنه وروضه وبستان فيها احلى الالوان
ورود صدق وفاء واخلاص وعرفان
بس خساره الزمن ماله امان
قتل حلمي و لقيت الكل خوان
حلمي ماهو بهالزمان
مـــــات الشاعر ومـــات الفنان
وصار الزمن
انا فـــلان وانا ولد فـــلان

عزاي ياحلم ياحب ياحنان

لكن قبل مارحل بقولك ليه سألتك هالسؤال
يمكن ياخذك الفضول
راح اريحك واقول
لان ياسيدي اللي تفتخر فيه مايعني لي ولا عنوان
و انا لي قلب انجرح من كل انسان
وانا الحزن صار لي عنوان
وانا الفرح ماله بقلبي مكان
مقبره فيها ملاااااايين
انا عنوان لكل انسان حزين
انا قلب نصبت فيه خيام للبائسين
ياسيدي انا روايه مو في عالمك ولا عالم كان يامكان
انا روايه بعالم القهر والحرمان
عالم الخـــــــــوان
عالم الخــــــذلان
عالم النســـــــــــــيان

وقلت الوداع حان
و الدرب قدامي طويل
والتفت التفــــــــــت
وبعد مامشيت خطوتين

ناداني قال لحظة قبل ماتسرين

عندي سؤال لازم اسألك الحين
قبل ماتمسكي الدرب وتبعدين
ومدري القاك او مالقاك بعد سنين
قلت اسأل انا واقفه يمك الحين
قال انتِ بنت مين؟؟؟!!!
؟؟؟؟؟
؟؟؟
؟؟
؟

طالعت السماء فوق والليله كانت قمرا
وغصب عني سالت مني الدمعة
هي دمعة قهر
او دمعة حزن
او دمعة فخر؟؟
نعم فخر
قلت له بعالي الصوت
واقولها بكل صوت وبكل فخر
انا مو بنت امير ولا تاجر ولا وزير
انا بنت فقير
ابوي رجل فقير
وافتخر انه ابوي الفقير
اهو مثل البحربس مو بجاهه وكبر منصبه بقوته بعزته بقلبه الكبير
اهو مثل النهر جارف مو بماله وفلوسه بحنانه وحبه اللي دوم بدمي يجري

اهو مثل القمر مو بغروره وبمكانه اللي فوق كل البشر
بنوره اللي ينور ليل القهر
انت تشوفه مره في الشهر
بس انا اشوفه كل يوم وكل شهر وكل الدهر
بعيوني عايش بقلبي عايش بروحي عايش
مايموت لو يموت كل البشر وكل الشجر
ويجف النهر والبحر
اقولها بكل فخر
بنت فقير
مما راق لي

انا مو بنت امير ولا تاجر ولا وزير
انا بنت فقير
ابوي رجل فقير
وافتخر انه ابوي الفقير
اهو مثل البحربس مو بجاهه وكبر منصبه بقوته بعزته بقلبه الكبير
اهو مثل النهر جارف مو بماله وفلوسه بحنانه وحبه اللي دوم بدمي يجري

اهو مثل القمر مو بغروره وبمكانه اللي فوق كل البشر
بنوره اللي ينور ليل القهر
انت تشوفه مره في الشهر
بس انا اشوفه كل يوم وكل شهر وكل الدهر
بعيوني عايش بقلبي عايش بروحي عايش
مايموت لو يموت كل البشر وكل الشجر
ويجف النهر والبحر
اقولها بكل فخر
بنت فقير


ماشاء الله اللهم بارك
موضوع طيب جدا
اشكرك اخيه على ذلك
واهم شي فقير بقلب كبير
ومتمسك بدينه الاسلامي وعقيدته الاسلامية

جميييييييييييل جداً جداً .. كلمات جداً روووعة

تسلمين حبييتي :)

الله يسلمكم جميعاً ع المرور الطيب