جواب ابوصقر احمد محمد الصنبحي على الاستاذ احمد حسين بن عسكر
[align=center]قصيده من كلمات الشاعر الكبير احمد حسين بن عسكر اليافعي
وهي مرسله للشاعر القدير احمد محمد الصنبحي الحمري[/align]
[align=center][frame="8 50"][poem=font="Simplified Arabic,5,darkblue,bold,normal" bkcolor="transparent" bkimage="backgrounds/30.gif" border="double,4,darkblue" type=2 line=0 align=center use=ex num="0,black"]
قال بن عسكر البداع ياهاجس ابدع=ألف ابيات وارسلها لشاعر وبداع
أحمد الصنبحي شاعر وفي مدحه ابدع=سخّر الموهبه للمدح في شعر وابداع
كم يلمّع صوّر سوداء وهي مابتلمع=والبُرش في يده والرنج زيتي ولمّاع
بل مُطبّل يطبّل بعد شُله قرنبع=مابهم للوطن مُخلص ولا شخص نفّاع
كل واحد وهمه ايش ينهب ويطمع=مايفكر سوى في راحته والتمتّاع
انما رغم ذا ماظنه اخدع ولا ادوع=او منافق ولاباقول له شخص بياع
ربما له طموحاته يبى فوق يطلع=يمدح الناس ذي باينهضوا به من القاع
او لشأن المصالح يسجد احمد ويركع=للذي فوق قد يعطوه صاعين بالصاع
مادرا ان الجشع واللص ماطاع يشبع=لو اكل ما اكل ايش اشبعه ثور شبّاع
عاد عينه بجيب المغترب ماتقنّع=لو يوزع عليهم مال ابوظبي وزّاع
قُل لبوصقر ياحامل كتابي توقّع=لاتهرول ببابورك سهاله توقّاع
حط يدك على السكّان من حيث تجزع=والبريك امسكه لوشفت قُدّامك اقماع
سيّب الثوب ثوب الذل بالي مرقّع=قد عفاه الزمن كله مراقع ورقّاع
واترك المدح نقّب لك على شعر ينفع=ذي يعبر عن اهموم المواطن والاوضاع
لاتضلّي على الابطال ترمي وتنصع=سيتهم لك هدف يالصنبحي للتنصاع
اليمن واسعه لابنائها الكل توسع=قالها الرمز واعلنها على كل مذياع
وانتقد مثلنا منهو حرامي مقنّع=والفساد الذي في ارضنا زاد واشتاع
وان تبي المدح امدح وحدة الشعب وارفع=قدرها كلنا للوحده انصار واتباع
والرئيس الذي للكل مازال مرجع=والي الامر فيما يرضي الله ينطاع
بعدما اقسم على القرآن وابصم ووقع=شل فينا الامانه واصبح الاب والراع
واجب العدل بين الكل منزل ومطلع=لايولي علينا كل ظالم وطمّاع
كلنا اخوه اشقاء نسل حمير وتُبّع=ماحدا اصبع زياده به ولا زايد اضلاع
بالبطانه معه من بالحصانه تمتّع=لم تزل جاثمه حوله ذيابه واضباع
قطعتنا مخالبهم والانياب تقطع=ذا وقدهم شباعا كيف لو حد بهم جاع
وانت يالصنبحي معهم بتشرع وتبرع=كل من دق لك طبله تجيه انت برّاع
كم نصحناك وانته للاسف مابتسمع=بل على العكس عادك ضدنا ياتفراع
كل ساعه تهدد في قنابل ومدفع=وأف 16 في حمره مجهز للاقلاع
وآخر الثأر ماحد غيرك الثأر شجع=جيت تشعل فتن وتولع الارض ولاّع
قلت قابيل ما وصاء ولاقال يمنع=عاد ردك معي لا انكرت لاتحسبه ضاع
واختم القول في ذكر الحبيب المشفع=عد قطر المطر ذي تسكب امزان لقزاع[/poem][/frame]
جواب الشاعر الكبير /ابوصقر احمد محمد الصنبحي الحمري
على الشاعر الكبير الاستاذ/أحمد حسين بن عسكر اليافعي
[frame="8 50"][poem=font="Simplified Arabic,5,darkblue,bold,normal" bkcolor="transparent" bkimage="backgrounds/30.gif" border="double,4,darkblue" type=2 line=0 align=center use=ex num="0,black"]
قال ابوصقر برّع يالشياطين برّع=من طريق التقدّم والتطوّر ولبداع
اتركونا نعمّر في بلدنا ونزرع=بالمواطن ثقتنا كم وكم ذا التفرّاع
ارحلوا بعد شيخ الجنّ من كل موضع=لامكانه لمستأجروخاين وبياع
بيع لوطان وادخال الفقيه المطوّع=الى اليمن امر ماترضى سمائه ولا القاع
أمر مرفوظ من شعب اليمن كلّه اجمع=ضد هذا التأمر قال مرفوظ باجماع
شعبنا اقسم واثنى في يمينه وربّع=مادخلها اجنبي ياحمد وملعون من طاع
لاتظلّوا حجر عثره بمرئا ومسمع=او تكونوا دلل لأهل المئأرب ولطماع
ارجعوا للصواب الآن من قبل نقطع=عهد ماظلّ واحد باليمن نابظ ارجاع
بالخيانه وبالتحريض هذا المصنّع=ارض من باتبيعوا يارعيه واتباع
أرض فيها علي رمز اليمن سوف يصنع=بالغُزاه الهزيمه خمس واسداس واسباع
بايواجه خُططكم بالسلاح المُضلّع=بانسيكم هدف للمدفعيه وانصاع
لعبكم يبن عسكر لعب مكشوف واروع=من لعبكم مرضكم بالمناصب ولوجاع
في سبيل المناصب بالوطن كم يشنّع=قام يلعن حكومه من مجانين واضياع
سوق لندن قوي المفعول من كأس ولّع=والمراقص بأرض الشام اشكال وانواع
هم في الخارج اتصدوا لشركه ومصنع=في داعايات دسّوها لتطويع لوضاع
كل من قال باستثمر وببني وبصنع=باليمن قالوا احذر من نزل لليمن ضاع
ارهبوهم ورأس المال يؤمن ويخضع=بالامان الحقيقي والقضاء العادل الراع
صابهم صوب بالخارج جماعه قرنبع=حاربوا مصلحتنا بالمساعي والاقناع
واستغلوا في الداخل مساكين تسمع=مايقولوه تجّار المناصب والاقطاع
خمسه آلاف بالدولار للفرد تُدفع=نقد من اجل تأجيج الفتن والتنكّاع
حارشوا بين لخّوه واجزعوهم بمجزع=والفتن هم حطبها يشعلوها بلا داع
كل ما اخمدت موقع شب ناره بموقع=لامتى بانضلّي في مقاضات لسناع
والمطالب ولباها علي قال يرجع=كل منهو موظف رد عاجز ونفّاع
والرواتب مُدبّل والرُتب قال ترفع=بالتساوي بلا تمييز فيها وباسراع
لكن اهدافكم ياحمد ذراوي وضروع=واضحه من بكاكم والشُكى والتضراع
استمرت مطالبكم كما الحرب واشوع=كم مسيرات ياحمد واعتصامات وانزاع
والثلاثين نوفمبر بردفان اقنع=شعبنا وافتلق من جمعكم رأسه ارباع
حفل مُنشق عن حفل الجماهير ميّع=يبن عسكر حججكم بالخطابات ميّاع
لاجزاء خير من حدد ونجّم وسوّع=للتجمع بردفان بين عنشظ ودُمّاع
ذا وماقلت عني يبن الاجواد يجزع=باحسبه لك عنب حالي ومشمش ونعناع
لان ما امدح بشعري وانما فيه ادفع=بالامور الصحيحه مامعي امر ماشاع
الملامه على من ربرب الشي ونبّع=لكن الطبع ياحمد مايفيده تطبّاع
احمد الصنبحي لله يسجد ويركع=مالغيره غلب رأسي ولا دنّ اوطاع
ختمها بالنبي طه الحبيب المشفّع=خاتم الانبياء ماطيب ذكره بلسماع [/poem][/frame] [/align]
[align=center][all1=666666]مع تحيات المحبوش[/all1][/align]
|
المواضيع المتشابهه
العرض العادي
