(... هل تحب الرسم ؟ / فلنرسم منظر الغروب بسهوله ...)

[align=center]بسم الله الرحمن الرحيم
السلام عليكم ورحمة الله وبركاته

ولو إني موصحبه لذيك الدرجه مع الفرشاه بقدر العجره :D
وتراه منقول للفاااااااائده .. لا حد يطب ويتظلّم يقول سرقتونا

أولا


نحضر الألوان المائيه .. الأحمر والأصفر .. ( يعني مو حسب الرغبه )
إلا اللي بيسوي غروب أخضر و قرنفلي كيفه عاد
ونخلطهم بالخلاط مع الماء .. وانتو قدروا كم الماء عاد ( انتم أبخص يا أهل الفن )
والسكر حسب الرغبه :p



وهذا طبقنا بالنهايه عليكم بالعافيه عصير ليمون والثاني فراوله
وبالهنا والشفاء <<< :eek:












ثانيا


الحين نبدي نرسم خطوط .. جايين رايحين باللون الأحمر ( الفراوله )





طبعا اللي لطشت منه الموضوع ( وهو بعد لاطشه .. حرامي يسرق حرامي )
يقول : ترى مو لازم تكون الخطوط مستقيمه
والفراغ متساوي بينها . انتهى . << بالله

اللي يسوي فيها مرتب ويحب الفرقه حق تسريحة شعره لازم تكون عاليمين لا يرسم
^ الظاهر منتي بمخلصه الموضوع إلا مطلعه أرواحهم :mad:

بس شوفوا أهم شي انها تكون باتجاه واحد
مو تقولوا قلتي فوق جايين رايحين
كنت أوجه الكلام لأصابعكم هي بتجي وتروح << هذا إحساس الفنان يخاطب البنان :o





ثالثا


بعدين باللون الأصفر نملي الفراغات وندمج اللونين
على طاري الدمج .. حد جرب كوكتيل فراوله وليمون :confused:





شوفوا شلون مزجنا اللونين





الأماكن اللي مزجت صار اللون فيها برتقالي






والحين الخلفيه صارت جاهزه .. تقدر ترزها وتتصور قدامها :p





رابعا


وبعدين في قلم عند شعب الفن يسمونه ( الفلوماستر )
وهذا الفلو لاحقني بكل مكان .. عسى ما أطيب منه يلاحقني :mad:
اختاروا اللون الأسود عشان تسوون خلفية الغروب





تحس انه يخربط اي شي << اصبري طيب





كنه بيرسم شجره .؟!!


أزيلت الصوره من قبل شموخ يافع
بسبب صورة البشر ( ذوات الروح )


طلعت تشبهنا الشجر وعندها وليدٍ صغيرون :eek:
وعشان العصلان والنحاف مايزعلون .. لازم نستخدم قلم أسود رفيع
مدري وش إسمه .. اللاطش ماذكر شي :D
هذا القلم اللي ماله اسم غير صفة الرفيع نرسم فيه الأشياء الدقيقه


أزيلت أيضا من قبلها ولنفس السبب


وبس .. شوفوا اللوحه بمزج لون آخر ورسم مختلف




طبعا في هذي اللوحه تلاحظون << اسكتوا بتشرح :p
ان الشخص تحول إلى مناره :eek: مسكين مالحق يتهنى
وان الطيور صارت مناطيد
وان السماء قلبت قرنفلي صج

شوفوا هذي بعد



عسى بس عجبكم الموضوع

الحين تقدرون تاخذون حبة بندول ووراها كاسة ماء من بعد الهذره ذي كلها :D
تقديري[/align]

هلا والله بالاخت

شموخ يافع

فعلا مبدعه

لك كل الود وطيب المنى

هذا وأنا لاطشته

شلون لو راسمته :)

شكرا لمرورك ومجاملتك

تقديري

الف شكر لك علي الموضوع اختي

العفو أخِ الكريم :)

تقديري

اختي شموخ يافع

اخواني الكرام جميعا

يا من اراد ان يتعلم الرسم

اتق الله فيما ترسم ، فلا ترسمن ذي روح

لان رسولنا الكريم صلى الله عليه وسلم قال:

((اشد الناس عذابا يوم القيامة المصورون ..))

واحاديث الوعيد والزجر في هذا الباب كثيرة معلومة


اردت ان اذكر نفسي واخواني بما قد يقعون فيه

من ا لمخالفة الشرعية الفادحة

في حال استخدمت هذه الطريفة في تصوير ذوات الارواح

ونسأ ل الله ان يهدينا الى الحق بإذنه

ودمتم بكل خير

أخِ مسلم وكفى أشكر لك هذا التنبيه
- صلى الله عليه وسلم - :)

وإن شاء الله نطبق هذا في المنتدى
وراح أشيل الصوره اللي فيها أوادم
ولو إنهم مطموسين
لكن لكي لا نقع في الشبهات

فعلا جزاك الله خير على التذكير الطيب :)
تقديري