بدع وجواب بين محمد الصلاحي والنجم الساطع 21/1/2008م

[poem=font="simplified arabic,4,black,bold,normal" bkcolor="transparent" bkimage="backgrounds/27.gif" border="ridge,6,blue" type=2 line=0 align=center use=sp num="0,black"]
محمد قال خلوني على الاوتار باغني=وفضلا يا صغير السن رد الدان سمعني
ورد الصوت صوتك يسلي الخاطر ويطربني=وغطرف يا حسين الصوت غطرف لي وجاوبني
على انغام الوتر با ترقص الغزلان يا فني=وبانسرح وبانمرح وسلم واستلم مني
وقم هات المسجل بانسجل لا تأخرني=ترى الهاجس ورد بابيات منظومات خيرني
الا يا مرسلي قم شل ذه لبيات متعني=ولك يا نجمي الساطع ذه الابيات يا ابني
ولك مليون مرحب لك وللي يسألوا عني= سلام مليون في مليون في مليون واذكرني
الا يا نجم يا ساطع بأنوارك منورني=خذ الابيات يا ولدي وباسرع وقت جاوبني
متى ما باذكرك يا ابني جلي همي جلي حزني=سلامي لك بعطر اصلي يعطر دارك المبني
بد عنا لك قصيده في جوابك رد شرفني=ترى جبر الخواطر زين يا ولداه ساجلني
ومثلك في الملاء يا بو علي ما شفت صدقني= وابو صالح ومحسن بن صلاح الجيد يعجبني
ترى بعض العرب يا نجم ساطع بات يتعبني=بدون اسباب يقذفني بنيرانه ويحرقني
بدون اسباب يا ويلاه في بيتي يناجمني=ويكويني كلامه مثلما النيران ويقهرني
واما زوجته يا ناس بالبهتان تقذفني=تقول اني رجل فاسق ببيتي جت تهاجمني
ولما قلت له خذ لي بحقي قام يرجمني=وقال اتنه رجل كاذب وصد قها وكذبني
أنا محتار يا اصحابي تعرفوا شو مجنني=لانه في سبيل الله يخرج شهور متعني
أريد اسال هل الدعوه بتسمح له يخاصمني=هل الدعوة بتسمح له بلا اسباب يتهمني
بدون اسباب يا ويلاه في بيتي بيشتمني =ولكن بيننا ربي هو اللي يوم ينصفني [/poem]
رد:على الصلاحي من النجم الساطع 2/12/2007م
--------------------------------------------------------------------------------
هذه ابيات بسيطه حاولت ان ارد فيها على قصيدة الشاعر الكبير محمد الصلاحي
وقد كتبتها على عجل لانشغالي بظروف العمل والمعذره عن القصور00
[poem=font="simplified arabic,6,darkblue,bold,italic" bkcolor="transparent" bkimage="backgrounds/27.gif" border="ridge,6,black" type=2 line=0 align=center use=sp num="0,black"]
قم ياهلي ياشجي الصـوت سمعنـي=وسهر بجنبي هنا وسلـى وسلينـي
قم رد بالصوت صوت الدان يطربني=ولا تبالي فـذا شعـري وذا لحنـي
ون حد سأل او تخبر ياهلـي عنـي=اقراء له الشعر فشعاري انـا فنـي
ما ابالغ ان قلت انا منه وهـو منـي=هذه حقيقه ولا نا شخـص متجنـي
والان ياهاجسي ارجـوك شرفنـي=ولهمني افكـار يالله هـي اسعفنـي
وباكون ممنون لك لو مره تنصفنـي=وترد باسلـوب واحـد لاتخيرنـي
ون قلت ما اقدر انا فـلا تصدقنـي=صدق خيالك ونا ارجـوك كذبنـي
قولك هنا يالصلاحـي والله احزنـي=وزادني حزن فوق الحزن ذي فيني
يومين سهران لحظه ماغمض جفني=وفكار في داخلـي همـوم تتعبنـي
ياابن الصلاحي ترى شعرك بيعجبني=ودايمـاٍ منتظـر شعـرك وبستنـي
مكانك القلب دارك صار بـه مبنـي=ودائما بذكرك لـو كنـت تذكرنـي
ارجوك ارحم بحالـك لا تحيرنـي=وترك امورك على الباري وطمنـي
ختامها عطر لك 00عطر الوفاء مني=وعساك سالـم معافـى دوم متهنـي
دنيا كذا حد بها يهـدم وحـد يبنـي=ومن زرع خير من خيره ترى يجني
ولو كان ردي به التقصير اعذرنـي=ون كنت وفيت هذا الشي يسعدنـي
تواصلك لي شرف دايم لـه اتمنـي=واول الغيث ما بينك ومـا بينـي[/poem]