عائلة الحاج متولي اليافعي
--------------------------------------------------------------------------------
اولا ملحوظة مهمة : اللي ما يفهم اللهجة اليافعية ما في داعي يقرا وبالتالي ما في داعي يعلق او يكتب رد
انا كتبت الموضوع لاهلي عشان يقروه وكأرشفة كل ما اكتبه حتى لا يضيع
واذا كان في هناك يافعيين عشان يقروه فزيادة الخير خيرين
وما فيش داعي حد يعتبرها عنصرية الا لو كان كلامي لاهلي باليافعي عنصرية
******************
عائلة الحاج متولي اليافعي
في قرية من قرى لبعوس وفي بيت من اربعة طوابق كان يعيش الحاج متولي القعشمي . وكان متزوجا على اربعة زوجات ووضع كل زوجة في طابق من طوابق البيت
في يوم من الأيام دارت قصتنا التالية ..
اخرجت مديحة راسها من اللهج ذي بالديمة حقتها وهي بتداعي وبتقول :
- واااااااا نعمة الله .. وااااااااااااااااا نعمة اللااااااااااااااااااااااه
اخرجه نعمة الله نخرتها من اللهج ودعلله ايدها وهي بتقول :
- ويش وا مديحة ؟؟ ويش تبين ؟؟
- الا ابدي ابدي آحاكيش ..
اخرجه نعمة الله راسها كله من اللهج وبعدا قالت مديحة :
- اني حذال والديش انش تكدين لي بنش مكرم منشان اوصيه دكان عبطلة الكيال يوم كمل الرز من عندي وقدش دارية بالحاج لو أوي وما لقي أدى ايخليها ليلة الحمار علينا
- وينهوه مكرم .. رعيه سير الطين مع ابوه يخنزر يوم حلف ابوه باليمين انه ما يخليه يكمل دراسته .. وظلوك طولة الليل أني والحاج واتنادفنا لما طير الصوف ..
- ولمه ؟؟ شي بيقرن الحاج ولا ويش ؟؟ ايودر الصبي دراسته منشان الكشت والدجر ؟؟
- وايش انسوي وا اختي .. قدش دارية بالحاج وحكمة
- اسمعي وا نعمة الله .. ويش رايش نطلع قابل عند امينة .. رعيني فاقدة لها
- والله انش جبشها .. انظريني اوثن على بنتي بطة وسعدية يستقيمين على الأدى لا يحرق
وفي الطابق الثالث المخصص لأمينة الزوجة الكبرى استقبلتهم ببشاشة وفرح وقالة :
- الا حيا ملان ابوها لما تفيض .. كيفكن وا بنوت .. وينكن لا أيبكن .. كبر راسكن
فردت عليها مديحة :
- وايش اقولش وا اختي .. قدش دارية بالحاج ما بيخلي الوحدة منا تستقيم على رجولها من كثر المهرة ..
فقالت أمينة :
- ما على المهرة سهل , لكنه ما بيخلي الوحدة تسكي تجلس سوا الا هاتي وسوي .. اذوهني واختي
فقالت مديحة :
- ما اني يوم كان دولي ضيع حقته الحيوش ويوم ابصرني بتفرج على التلفزون قام شل الملكد وخشدع التلفزون خشداع منشان يبرد على قلبه .. رعيه يوم بيحنق بيتركزين شياطينه تركاز يا ساتر يا لطيف كفانا شره
فهزت نعمة الله راسها وهي تقول :
- عاد ذا ولا شي قدام ذي سويه يوم حنبة اللحمة بين اسنانه وماشي قدر يخرجها بالملخ .. شتت ولعن وسخط وظل يومي على الله بيدعيني وا لعنة الله وا لعنة الله .. وما كان فاصر الا انه يطلقني منشان تية اللحمة تي حنبه .. مقرون كفانا شره
وافقتهم امينة وقالت :
- واني يوم قلك له وا بن الحلال رعك زيدك بها يوم بتجلس عند مرتك الجديدة الفت زايد على طباينها .. واني قلك له كذا وهو اقتلب يا ساتر يا لطيف .. سبني وسب عمتي وعمي ذي بيشتغل بالبلدية.. وظلوك طولة الليل واني وا حاج وا حاج انته كذا والامر امرك .. ما قر وسكن الا حل فتقة الشمس .
وظلوا ساعتين وهم يا محكى الحاج سوي الحاج قال الحاج فعل .. بردين على قلبهن من كثر ما ذكرينه بكل عاطل وباطل
وبعدا قاله مديحة :
- نسيوك احاكيكن ويش سمعك ..
- ويش سمعش وا ختي ؟؟
- واني خارجة من العلية حقتي سمعك الطبينة الفت وهي بتتحاكي مع ابوها وامها قدام السدة وهي بتقول : رعيني اصبر عليه لما يكتب لي الطين باسمي وبعدها اتطلق منه
وفجأة دخل الحاج متولي وهو معصب وصاح فوق مديحة :
- انتي هنا وا سفيهة الوجه ؟؟ ولا نجحش أدى ولا شي ؟؟
قامت مديحة وهي بتختضل من الفجيعة وقالت :
- قلك احاكيهن على ذي سمعكه من الفت .. يوم قاله انها اتصبر عليك لما تكتب لها الارض وبعدها اتخليك تطلقها
هدأ الحاج متولي وقال :
- بذمتش قاله كذا ؟؟
- جعلي العمى والصور لو كنك كذبك .. سمعكها باذني وهي بتحاكي ابوها وامها عند باب السدة
وما طول بها الحاج متولي , خذ الحيوش حقته وطلع قابل عند الفت , وحصلها قمبوس بالمفرش حقها رجل على رجل وهي بتتحاكي بالتلفون وهي يا ضحكة وحل ابصره الحاج متولي استقامه على رجولها وهي بتقول :
- الا حيا وحيك وا احاج , اليوم ما شي هو دولي ,, اني قد دريوك ما تقدر تسير مكان واني ما حدني
قال لها وقد ارتكزين شياطينه :
- من كنش بتحاكين بالتلفون ؟؟
- رعها امي اتصله من سوق اربعتعش بتقول لي لقيه دكان ذهب فتح جديد وبه سلوس يحيرين العقل من حسنهن , وقلك لها اكلم ميتو منشان يشلني نتفرج عليهن
- ايه وبعد ما اكتب لش الارض كمان تتطلقين وانتي معش ارض وذهب .. وايش كمان على قلبش ؟؟
وهو قال كذا وهي يبسه على عيدانها يوم ما شي جي على قلبها ان الحاج يدري .. الا وهو اديهم لطمة على وجهها طيرة بها للصلوة وقال لها :
- سيري لبوش الخرنفعي وانتي طالق طالق طالق .. ولا تشلين معش حتى خيتم واحد .. شلي ثيابش وانشري بيت اهلش
جلسه تتبكبك قدامه ساعة وهو ولا هو كلف .. انش تروحين ولا تروحين .. وهي ابصره انه ماشي فايدة وهي شلة الشنطة الحديد وطرحة بها الدروع ومضارب العطر حتى مصون الصلاة شلته معها وما قدره تشل الذهب .. يوم قد الحاج خذه معه
ووزعه على نسوانه مديحة ونعمة الله وامينة وهن استجبرين ذاك الجبر منه وجلسين يدعين له جزء وكل وحدة بتقول : محد مثلة وقا نسية ويش قاله عليه من الصبح
والحاج متولي ما اصطبر له .. سير يتزوج بنت صغيرة عمرها ثمنتعشر سنة وقالوا انها من يهر دفع بها مهر خسر به ذي فوقه وذي تحته
وقالوا انها صبية ما شي هي حسينة لا هناك يعني بها كفايتها ,, وهو بعدها رجع له عقله وبطل قران
وخلصه قصة الحاج متولي على كذا وان شاء الله لو في طلاق ثاني ولا حاجة في بيت الحاج متولي بنخبركم
منقول
|
المواضيع المتشابهه
العرض العادي
