اخر مساجلة شعرية بين الشاعر ابو قيس العلفي والشاعر الكبير الخالدي ابو لوزه

قال ابو قيس شأني شأن شايف محمد ## منتظرعود من غادر ربوع السعيده
غاب عنا وفي الوجدان ذكره مخلد ## ياسميع الدعاء سالك بأسمك تعيده
يرجع أرضه وبين أهله ينكد ويسعد ## راحة البال مضمونه وعيشه رغيده
مالذي حل بالدنياء لحتى يشرد ## من لدى الكل يعرف بالصفات الحميده
لاصله له بستعشر مخالف ومرتد ## والقضاء قد صدر حكمه بشله بليده
ليت يابولوز تعلم بما شدني شد ## نحو صاحب ولو لك به علاقه وطيده
حز في النفس غربة ذئب سرحان لمرد ## حز في النفس كربة تاج راسك وسيده
راعي الاوله لادر درَه من اجحد ## او نسي صاحبه لا قد تناقص رصيده
ما نسيته وعهد الله ما انساه سرمد ## قاتل الله من ينسى الرجال المجيده
الوفاء ليس الاً وانت تعلم وتشهد ## ان بطني خليًه من مثاخن عصيده
وان حصل فانت عارف من بفمي تزود ## صاد باسمي قليل الخير عله تصيده
أأتمنته وفوضته على مالسخي مد ## لكن اختان قناص الفرص شٌلت ايده
سرحته بعد عزله حاله اصبح منكد ## حال يصعب على الكافر بشده شديده
وانت بالله ياعازم عدن يوم الاحد ## خذ لشايف قوافي صادره من عميده
رغم انفه عميده امس واليوم والغد ## لابفكر بتهديده ولا اخشى وعيده
لا يظن لهجتي خفت وغيضي تبدد ## استناداً لما سمعه براس القصيد
كل شيى في طريقه ما الفرج عاده ابعد## وين شايف محمد وين من يوم عيده
يربط الجاش لا مهرب ولا حل يوجد ## بايلاقي ولا مخرج على ما يريده
محكمه مثل غيره محُد اغلا من احُد ## تبرئه او تدينه تعتقه او تبيده
من ملفه وما في طي سجلُه معمد ## بايحدد مصيره بالحلول السديده
انه ابيض نجي وان بان تاريخه اسود ## عدل وانصاف من صوبه من ايده نزيده
الكره مرميه في ملعبك باابن مخلد ## لا عتب بعد ما انذرتك بلهجه شديده
سر واحد من اسرار الملف المعزرد ## خلف برقه وقابس بايوديك سيده
لا تناور ولا تركن على من تجرد ## شُمها كن من اصحاب العقول الرشيده
راح من كان لك مأوى وملجاء ومسند ## بعد صولات دوفس والعند والعنيده
هاه قلي اشد الحبل والا ارخي الشد ## شي معك عزم تبدا فتح صفحه جديده
احتراماً لسنك يبن ستين وازيد ## ما يضر لو منحتك فرصه اخرى مفيده
فرصه العمر فيها عفو مشروط وازهد## عفو تسقط بمظمونه جرائم عدديده
لو قبلته كمبدا بعدما ترسل الرد## باتصل لك شروطي في قصيده فريده
وان رفضته على كيفك ولكن تأكد ## ماكتمناه باينشر في اشهر جريده
سر واسرار لا الحمري ولا القيفي احمد ## يعلموها كما اعلمها بصوره اكيده
وان فرضنا دروا ما عاد كلاً وله حد ## للسلب نابله والشرح له من يجيده
في يميني خطام الهيج والصارم الحد ## والرماح العوالي والرهاف المبيده
وقت ما ريد باجيبك مكبل مقيد ## وين باتختبي راجع حسابك وعيده
ذا خرج فصل والثاني شويه معقد## خل بالك معي وانظر بنظره بعيده
قبل يومين علم الويل من صوبك او رد ## افرزت جيفة الجفري روائح صديده
كيف لما دخل والبيت بابه مبند ## لا بد ادرك سبيله عبر ثغره وحيده
طل من طاقتك راسه وقرشه في اليد ## وانته القرش طبعاً يجعلك من عبيده
بالاضافه لما تخفوا من احقاد توقد## عنصريين انتم منذ مده مديده
لاتقل بوعلي سمًا الولد قبل يولد ## نزعة الجد لا زالت تطارد حفيده
قل لربعك من استوفا حسابه يحمًد ## يؤجر المرء رغم نفه ولو ما يريده
يقنعوا كم سقت اطلالهم دمعة الخد ## من يتابع سراب امضاء حياته نكيده
لا تهاون بوحده شعب صمم واكد ## وحدة الارض من سيؤن لما عبيده
رغبت الشعب نفذها الحسام المهند ## والثرى بات مثوى من تقطع وريده
ختمها بالنبي ماناح بلبل وغرد ## تم ابو صالح العلفي صياغة نشيده

وهذاهـو جـواب شاعـر الاجيـال المرحـوم شايـف محـمـد الخـالـدي
**************

قال ابو لوزه اول من يدي كف بالخد ## با الطم العلفي الكذاب اساس المكيـده
ذي خرج حي من قبره يهلل وشهد ## بعد ما قد بكـاه ابنـه وناسـع جعيـده
جل من يبعث الاموات من لحد ملحد ## بعد عامين له ميـت عظامـه خميـده
كنت اظن قد قضى نحبه وربه تغمد ## روح من مات ظمن ارواح باتت فقيده
ما دريت ان عبدالله بغرفه مرقد ## وانتبه بعـد مـن نومـه وذهنـه شريـده
لاجزي خير اهدى لي عجينه مرمد ## لااعتناً في طباختهـا ولا فـي كريـده
كدها لي عجل واسرع بها قبل تخمد ## انما باتقبـل كلمـا جـاء مـن ايـده
قابل البدع ذي جاني وبايسمع الرد ## رد من حيث انا مش رد من ذي يريـده
ما تهاون ولا اتاخر ولا باتردد # ما معي باارسله لـه سعـف ساعـي بريـده
مستعد ادبه لو فات زايد على الحد ## واللسان الطويلـه ذي بتقصـر وزيـده
قتل ما بقتله ماهو صبيـري ولا نـد ## بالشجاعـه ولا انـا بالفسالـه نديـده
قل لبو قيس ياحامل جوابي ترود ## وينك اليوم مـن حاشـد وحاشـد بعيـده
لاتقل حاشدي وانته بنعوه مولد ## اعـرف الاب مولـى المسبحـه والكشيـده
بايدلونك اخوالك عن الاب والجد ## ذي تبنوك بعـده وانـت مضغـه وليـده
والعميد استحتة بايسمعوك آل مزيد ## منت مسؤل ابو لـوزه ولاانتـه عميـده
ماسمعنا فقيه انه حكم او تمسيـد ## مهنتـه يقـراء المولـد باجـره زهيـده
ابق في موقعك راهب كنيسه بمعبد ## والملف ما معك في طيه اشيـاء مفيـده
كذب في كذب ما عندك شهاده معمد ## شلتك نود يابـو قيـس غبـرا نويـده
لفق اشياء وبع هدره على ناس عربد ## يسمعك ذي في القاعه وذي راس حيده
واصل الشعوذه واتعش بالكذب وتغد ## لو امامك قضاء حاسم دعامـه اكيـده
كان مفروض مثلك شاهد الزور يجلد ## ما جزاء الكاذب المتشعـوذ الا جليـده
انما العافيه قد ني على شامخ انجد ## ما على العلفي الا يعـرف انـي عقيـده
كان لا زال تحت الامر جندي مجند ## ذي له ابذلت سابق بالجهـود الجهيـده
سيت له في جعار ابين منصه ومشهد ## حين جاء حالته ترحم بحالـه لديـده
مسرع الان عبدالله علينا تمرد ## انكر الجمـل والمعـروف ذي مـن عهيـده
العهيد الذي سهل طريقه ومهد ## واكتفـل فـي اسـر مثلـه بتقبـل شريـده
هكذا طبع ابو وجهيين من حيث نعهد ## حسب قول المثل غير ذبابي عصيـده
ما لبوقيس بالجوده ولاهو معـود ## هـو انـا ذي بـدوري اعتقـه او ابيـده
حسبك الله يا رامي رصاصك مردد ## من تحارب بها في حرب حامي وقيـده
ايش في جعبتك خابي لشايف محمد ## ماالخبر ذي تبا نشـره بأشهـر جريـده
مت بغيضك وراسك لو تألف مجلد ## ما معك فرد يشهد لـك شهـاده اكيـده
قلت لك قبل يا مداح من حولي احتد ## امسك الطار والفلاح يلحـق ضميـده
ما بكذبك تصل لا حيث بتروم تصعد ## باتهستـر وباتمسـي عيونـك قهيـده
ايش خلاك باتسهر منامك وتقهد ## ما تحطـم ثمـر يـاذي تحـاول رميـده
حن لا داخلك مقهور وانت المقلد ## دق مـن باطلـي صـدرك ورج الكبيـده
وي مهـزوم مثلـك حـن والا تنهـد ## لا يخلـي عبـاد الله تسمـع نهيـده
ذا حديث اولي موضوع لك خاف مفرد ## والصديق الذي لي به علاقه وطيـده
بايصل بالسلامه رافع الراس مشتد ## ما نسينا رجـال ابطـال مثلـه وجيـده
بحسب ان عاد له في مجلس الامن مقعد ## مجلس الامن ذاته مستعد ان يعيـده
منتظر عودته في وقت اقرب محدد ## وآخر اخبار جابت لك روائـح صديـده
ما سمعنا عن الجفري ولا من تنشد ## عن مغادر خرج ظمن الجموع العديـده
انما قد يكن مر الطريق المعبد ## واهل بيـت الامامـه فـي عزبهـا هميـده
ايش من بيت ذي بتقول بابه مبنـد ## والجراثيـم تلعـب داخلـه هيـد هيـده
عادها وارده من حيث ما السيل ورد ## لا تفكر بذه سـارح واخـرى طريـده
واغلب الربع لا زالت حقوقه مجمد ## كن على علم من لـه حـق بايستعيـده
بانتظار المطر يمطر متى حن وارعد ## موسم الصيف ذي ما تسمع الا رعيده
والفرج بايجي ذي قلت لي عاده ابعد ## لا تزايد ولا تفرق عتق مـن صعيـده
اعلم انك امامي باتضلي مهدد ## قلعتـك خيـر مـن طـول الحيـاه المديـده
قد كشفتك تركتك شبه عاري مجرد ## ما لهجواك من يدعـم ولا مـن يشيـده
شف امامك لهب مكريب ناره توقد ## من حما الخالدي فك الطويـق البريـده
واعرف اني سند شعب اليمن ذي توحد ## يشهد الله لبو لوزه ويشهـد رصيـده
والذي صاد صيدك او باسمك تصيد ## تستحق ما حضرت الخير موسم حصيده
وقت كلاً ملا جيبه وكلاً تزود ## صادهـا ذي حضـر روٌح غنيمـه وفيـده
ختمها بالنبي تم الجواب المسدد ## من خشـع خاطـره يذكـر حبيبـه وسيـده

وهذا تعقيب من الشاعرخـالــد القعـيـطـي
ربَاه أدعوك وأنـت السامـع الحاكـم==تبري سياح القوافي من نعيق البوم
من بعد قال الذي هـو بـالأدب هايـم==واحسرة القلب لو ظل الأدب معدوم
فاضت ينابيع فكري فيضهـا العـارم==و ألقت عليها الصحاري رملها المسموم
ذكرت أبو قيس ذاك الشاعـر الناقـم==وأيام ما كان يتبارى مع المرحـوم
بصيص من نور بعد الموسـم القاتـم==ذي منَه الشعر يبكي والأدب مظلوم
والقصد شاعر بحسن الشعـر متفاهـم=ما ينتفض من كلامي مثلما المحمـوم
قبلك كثيريـن فيهـم ميـزت الشاتـم==قبحهم الله..خلوا شعرنـا مجـذوم
لو كان أبو صقر مثلك بـالأدب عالـم==ما أثرت فيه وخزه من أدب مثلـوم
لما رأى البدع ضاعـف رد عالـلازم==من هيبة الخصم طال الرد عالمعلوم
أيقنت في الشعر أن النصر لـي دائـم=تشهدحروفي ويشهد شعري المنظـوم
وأن عاد لك رأي حرَك فكرك النائـم=يهنى لك النصر لو رجعتني مهـزوم
من كان قادر وعنـده قـدرة الفاهـم=مايحسب النصرللشاتم على المشتـوم
كثير صارعت قبلك من(بنـي حـازم)=وأصبحت بين الجهاله وأهلها مذمـوم
ما صابني خوف من فارس وله صارم=هذه الأماني ولي مطلب مـن القيـوم
بل مصدر الخوف يبقى الشاعر الناظم=يقارع اقزام في الساحه وهو مرغوم
أقزام بالشعر تعبـث مـا تجـد لائـم==تبَت يداهم.. وتبَ . الفكر والحلقوم
مليت وأصبحت بعـد التجربـه نـادم==ضفادع الشعر خلتني كما المصدوم
ياليت (زرياب)يصبـح بيننـا الحاكـم==لما تعيد القوافي عرشهـا المهـدوم
من زلَة الشعر يابو قيس انـا صائـم=وأستغفر الله ماحد من زلل معصـوم
لو كنت لي ند بايشهـد لـك الصـارم=بشائر الخير تصبح خصمي المزعوم
وأن ما معك عزم أجل لا زمن قـادم=باقابلك حين ترجع حامـل الدبلـوم
لضعف لشعار شفني صـرت متشائـملا تطمس النورظلمـة ليلـك المشـؤم
لو قـدر الله بعـد الغيـث والجاهـم==موت الأماني وعيش الشاعر الموهوم
ما ضرني لو أعيش الشاعـر الواهـم=فيض الدرر ذي بفكري أمرها محسوم
قريب بافتح مـدارس تجمـع الطاقـم=باعلم الشعر ذي ما عندهـم مفهـوم
والأجر مكتوب.ما حـد منَهـا غانـم==لا عرش كسرى ولا قيصر مليك الروم
تـاج الأدب والقوافـي تاجـي الدائـم==حتى ولو ظل(مسكي)بالعلب مختوم
ذكر النبي ما نظم شعـر الأدب ناظـم=حين اصبح السَمع منَه والبصر محروم