عندما تبكي من الفرح يوم عيد ميلادك

[ALIGN=CENTER][TABLETEXT="width:90%;backgroun d-image:url('http://www.yaf33.com/vb/backgrounds/11.gif');background-color:red;"][CELL="filter:;"][ALIGN=center]

[ALIGN=CENTER][TABLETEXT="width:70%;backgroun d-color:red;"][CELL="filter:;"][ALIGN=center]السلام عليكم ورحمة الله وبركاته

جبت لكم قصة بنت تحكي عن يوم ميلادها
على لسانها ..
في يوم ميلادي الشهر اللي فات ..
كان كل شيء عادي صحيت الصباح .. وكان زوجي بالدوام
بدلت ملابسي وقلت اروح الصالون اسوي
نيولوك بمناسبة يوم ميلادي << كشخه
المهم ماكنت متوقعه شيء غير عن كل سنة , كيكهمكتوب
عليها اسمي .. وكل سنة وانتي طيبه واذا
معاها هديه بتكون شيء بسيط عطر مثلا < احمدي ربك
رجعت البيت مع موعد رجوع زوجي ..
قال لي كل سنة اونتي طيبه
سامحيني ماقدرت امر اخذ كيكه عشان نحتفل
بس بالليل امر اخذ لك .. < < خير ان شاء الله
ومر اليوم عادي , جاه اتصال من الشغل طالبينه ضروري
وقال لي ابي اوصلك لبيت اهلك واذا خلصت بدري
امرك واذا تأخرت بس نامي عند اهلك
وانا اقول في قلبي :
خلاص يعني مافي كيكه ولا شيء .. <
رضيت بالامر الواقع ورحت عند اهلي ..
الساعه 11 بالليل اتصل زوجي وقال الحين انا بمرك
ونروح البيت
وصل زوجي ودخلت السياره الا في كرتون كيكه في الكرسي الخلفي , سويت روحي ما اشوفها
عشان ما اخرب المفاجأة .. << ياقلبي عليكي
وقعدت ساكته وهو يسولف عن الشغل و وش سوى وكذا ..
وصلنا البيت قال لي انزلي بوقف السياره وبنزل
قلت في قلبي :
اي عشان ما اشوف الكيكه وانت تنزلها ..
دخلت البي وقلت بروح البس شيء حلو عشان نحتفل
لاني كنت لابسه بجامه عاديه ..
دخلت غرفتي وكانت هنا المفاجأة
غرفتتي ملياانه بالونااات بكل الاوان
والسرير مليااان كراتين هدايا كبيره وصغيره ومغلفه
كلها بلون واااحد ..
وبطاقه كبيره مفتوحه مكتوب فيها :
احبك سامحيني على القصور يالغاليه من زوجك وحبيبك << يالبى
انا طرت من الونااسه
طلع زوجي مخطط عشان يسوي لي هالمفاجأة الحلوه
انا انهبلت وقعدت اصيح من الفرحه << ياكثر دموع البنات
وهو جالس يضحك عليّ وانا اصيح << اكيد
المهم طبعا اول شيء سويته رحت اشوف الهدايا ..
فتحتهم وكانو فوق ماكنت اتصور :
1- شنطه Dior مع محفظتها
2- جزمه LV مع الحزام << وانتو بكرامه
3- فستان ناعم من Boss
4- سلسله من Carteir love << يالبيه
5-كاميرا تصوير canon مع كل عدساتها
6- طقم الماس من Bvlgari
7- شنطة سفر من Burbury
ويوم فتحت شنطة السفر لقيت تذاكر سفر لمدة اسبوعين
لـ لندن
الصراحه ماقد اوصف فرحتي ..
كنت من لمن افتح هديه اصيييح
كان احلى يوم في حياتي كلها
ومن كثر ماكنت متحمسه رحت اركض لزوجي ابي اضمه
وفجأه .. يرن التيلفون ..
الا انا نايمه في بيت اهلي وكنت اتحلم
وزوجي يقول :
نامي عند اهلك انا بتأخر <<
هههههههههههههههههههآآآآآآآي وربي ام ام التحطيم

اظن بعد هالحلم طاب خاطرها من يوم ميلادها [/ALIGN][/CELL][/TABLETEXT][/ALIGN]

[/ALIGN][/CELL][/TABLETEXT][/ALIGN]