بدع الخالدي وجواب الحيدري

[align=center]وجدت هذا البدع والجواب في احدى المنتديات اليافعية وحبين ان انقله لكم


[poem=font="Simplified Arabic,5,black,bold,normal" bkcolor="transparent" bkimage="backgrounds/43.gif" border="double,4,firebrick" type=0 line=0 align=center use=ex num="0,black"]
الخالدي من حب صاحب صبر=عا الفايده والا الخساره
صـحـبه سليمــــه ماتادي ظرر=من بعدها تجني ثماره
وبعــــض صحبه ماعليها زقر=تاخذ معك فتره وطاره
صحبه هدف واغراض بعض البشر =يتاجرو فيها تجاره
زمان ماتقدر تميز صور=الحق ننجاهل قراره
والبعض لا له حق عندك هدر=بايقبلك حمله وقاره
لو قلت مهلا قال مالك مفر=حقي ونا بعده واثاره
وان شاف عنده حق رسى وقر =بايجزعك بيسر سماره
طبع العماريد اللصوص الهور=تعمل وتفعل ما استخاره
والقاده العمده بقض النظر=يلقوا علا الواقع ستاره
بشوف ذاك اعما وذا به صور =كلن بداره يادواره
وذي بسيف البحر تحت الخطر=تعصر به الموجه عصاره
وثور شرعب ذي امام البقر =جالس مقيد بالمداره
لو كان ماهل للقصب والشجر =افضل نسوقه للجزاره
والان ماحاجه يطول السمر =بعد السمر قصدي زياره
الليل ياعزم نويت السفر =كن مستعد رهن الاشاره
سافر بموتر جيب ولا شفر =ماواك لا وكر النماره
شل الرساله ذي معك لا مقر=الحيدري صالح وداره
بلق سلامي له وعم الاسر=والاهل واخوانه وجاره
واصحاب صالح عدهم كم نفر=كلا يخذ سهمه بواره
يذرع من الطاقه ويقطع بصر =لا تخطف الشفره زراره
فرق هديتنا على من حضر =واعطيت للصايم فطاره
وثل لصالح لو طلبنا خبر =من حيث اناويته سياره
القصد قل له بنتوحي مطر =امارة الصيف المطاره
لو مامطر مابا نروح ثمر=منين بانصرب براره
الوادي اغبر والنزف بالبير=والماء قفا لودر وزاره
يالحيدري شفني حملت الاظر=باني وماعندي مهاره
لي منعك ادركني وفك الحور=سقف معي جانب عماره
دق الحجر واطرح بدلها حجر=ذي باتناسب لك ظهاره
مادام معنا لفرصه والزبر=الحيد ماتعدم حجاره
والعود لعوج ذي تشوفه قصر =اوماتعدل لك بفاره
رشه بديزل واحرقه بالوصر =من قبل لا تحرق بناره
هذ وسامحنا كفا مايسر=خط العجا جينا يساره
واحزيك من بازل ظهر واشتهر=طاهر نقي رافع شعاره
قايم وثابت بالحرام استقر=وعاش فتره من نهاره
ولا تمسك بالحلال اعتثر=ومات من بعد الطهاره
جاوب وفصل مارفيقك ذكر=فورا وحذ مني بشاره
صلوا على المختار صفوت مظر=المصطفى مولا الحضاره
عداد مالقارى تلا بالسور=وماخطب فوق المناره[/poem]





الجواب


صالح الحيدري بن سليمان 1981


[poem=font="Simplified Arabic,5,white,bold,normal" bkcolor="transparent" bkimage="backgrounds/32.gif" border="double,4,darkred" type=0 line=0 align=center use=ex num="0,black"]
الحيدري قال حيا من دفر=بالظيف ذي انا بنتظاره
خط الاحبا مثل كوكب ظهر =والسبعه اتتبع بثاره
يامرحبا ماينطقزن البشر=كلن على قدر اعتباره
من الثرا لا فوق سطح القمر =والشمس كاملت الحراره
بقوال ابومخلد ولد معتبر =وللعدو اكبر شراره
والمعرفه والجود ماتنتكر=حيا بسعفي والسياره
زمان كنا حيث ماسرت سر =من قبل لا نعرف اداره
بيفكرون انا جميع انفر =والجيد بيظهر عواره
والباب مقلق ليته اينكسر =ونسار كم بيبان ساره
اسال على فرعون وين اقتبر=والجند ذي كانوا بثاره
لهرام لما الان لا ينحدر=طبع الزمن كله عماره
واحد بها يهزم وواحد منتصر=والوقت من ثوره بثوره
لاقلت لى بابور من ذي عبر=ماديك من رقمه اماره
واهل الوظائف ماحدا مفتكر =والمنحرف بنجيب غيره
بعد الحوادث كم تقبل حزر=ماشار دالى من ظروره
شباب محتاجين جهرا وسر =والعطف كله علبزوره
خافو من القانون يمكن يضر=بيملطش السودا بنوره
يالخالدي من زره الحبل زر =اقطف من الكاذي زهوره
لاتسال المعور ليش اعتور =ان الجواب اكبر ضروره
لنسان خاظع للقظاء والقدر =مدمن ومختله شعوره
وانسان طول الوقت مفتاح شر=بتلاحقه من دور دوره
لاشفت وان بعض الكلام انتكر=اقرا من القران سوره
اوقف مكانك لا تقدم شبر =ولا علا الصاحب ضروره
كديت لي محزاه بانختصر =تفسيرها حلوه غيوره
ان هي معك باليد باتفتخر=والمنتها كسرت عجوزه
والصح هى بطاهر والمنطهر=حلا له المبطل طهوره[/poem][/align]

صح السنتهم
ومشكور شاعرنا صالح اليافعي
علي النقل
والنعم فيهم
شعراء
الخالدي والحيدري

هذه القصيده قيلت قبل أحداث يناير 1986 وكانت تتحدث عن صرع الرفاق

صخ الله السنتهم والنعم الشعار


بآرك الله فيهم

سآئلين الله ان يعودو الينا سالمين

صح الله السنتهم
بدع وجواب من اجمل ما يكون