العودة   منتديات سماء يافع > ๑۩۞۩๑ أقــســـام الـسـيـاحـة والـمـلـتـيـمـيـديـا ๑۩¯ > بـــوح الـصــور

بـــوح الـصــور ( هنا توضع الصور والغرائب من حول العالم )

-==(( الأفضل خلال اليوم ))==-
أفضل مشارك : أفضل كاتب :
بيانات السعدي التامي
اللقب
بيانات الصقر اليافعي
اللقب


(... هل تحب الرسم ؟ / فلنرسم منظر الغروب بسهوله ...)

بـــوح الـصــور


المواضيع المتشابهه
الموضوع كاتب الموضوع المنتدى مشاركات آخر مشاركة
برنامج حافظه شاشه رائعه علي شكل الشمس فى الغروب الصقر اليافعي الكمبيوتر والبــرامج 0 14-10-2011 08:00 PM
كيف تعد الاذكار المئويه بسهوله شموخ -اليافعيه المكتبــة الإسلاميــة العامه 1 25-07-2011 06:15 AM
عند الغروب أشوف اشباح حيـــة ..!! الوعدالقاطع حــروف مميــزة تشع من وهج الأحاسيس 1 09-06-2011 12:57 AM
منظر للمسجد الحرام (منظر ليلي ومنظر في النهار ) مع خاصية التحكم بأبعاد الصور ،،، الزبـرة بـــوح الـصــور 3 28-05-2007 09:52 AM
عند الغروب..! واااثق الخطوه حــروف لا يكللها الجفــاف 9 28-02-2007 04:36 AM

 
 
أدوات الموضوع انواع عرض الموضوع
المشاركة السابقة   المشاركة التالية
قديم 26-04-2006   #1


الصورة الرمزية شموخ يافع
شموخ يافع غير متصل

بيانات اضافيه [ + ]
 رقم العضوية : 100
 تاريخ التسجيل :  27-03-06
 العمر : 43
 أخر زيارة : 22-11-2010 (10:49 AM)
 المشاركات : 385 [ + ]
 التقييم :  100
لوني المفضل : Brown
(... هل تحب الرسم ؟ / فلنرسم منظر الغروب بسهوله ...)



[align=center]بسم الله الرحمن الرحيم
السلام عليكم ورحمة الله وبركاته

ولو إني موصحبه لذيك الدرجه مع الفرشاه بقدر العجره :D
وتراه منقول للفاااااااائده .. لا حد يطب ويتظلّم يقول سرقتونا

أولا


نحضر الألوان المائيه .. الأحمر والأصفر .. ( يعني مو حسب الرغبه )
إلا اللي بيسوي غروب أخضر و قرنفلي كيفه عاد
ونخلطهم بالخلاط مع الماء .. وانتو قدروا كم الماء عاد ( انتم أبخص يا أهل الفن )
والسكر حسب الرغبه :p



وهذا طبقنا بالنهايه عليكم بالعافيه عصير ليمون والثاني فراوله
وبالهنا والشفاء <<< :eek:












ثانيا


الحين نبدي نرسم خطوط .. جايين رايحين باللون الأحمر ( الفراوله )





طبعا اللي لطشت منه الموضوع ( وهو بعد لاطشه .. حرامي يسرق حرامي )
يقول : ترى مو لازم تكون الخطوط مستقيمه
والفراغ متساوي بينها . انتهى . << بالله

اللي يسوي فيها مرتب ويحب الفرقه حق تسريحة شعره لازم تكون عاليمين لا يرسم
^ الظاهر منتي بمخلصه الموضوع إلا مطلعه أرواحهم :mad:

بس شوفوا أهم شي انها تكون باتجاه واحد
مو تقولوا قلتي فوق جايين رايحين
كنت أوجه الكلام لأصابعكم هي بتجي وتروح << هذا إحساس الفنان يخاطب البنان :o





ثالثا


بعدين باللون الأصفر نملي الفراغات وندمج اللونين
على طاري الدمج .. حد جرب كوكتيل فراوله وليمون :confused:





شوفوا شلون مزجنا اللونين





الأماكن اللي مزجت صار اللون فيها برتقالي






والحين الخلفيه صارت جاهزه .. تقدر ترزها وتتصور قدامها :p





رابعا


وبعدين في قلم عند شعب الفن يسمونه ( الفلوماستر )
وهذا الفلو لاحقني بكل مكان .. عسى ما أطيب منه يلاحقني :mad:
اختاروا اللون الأسود عشان تسوون خلفية الغروب





تحس انه يخربط اي شي << اصبري طيب





كنه بيرسم شجره .؟!!


أزيلت الصوره من قبل شموخ يافع
بسبب صورة البشر ( ذوات الروح )


طلعت تشبهنا الشجر وعندها وليدٍ صغيرون :eek:
وعشان العصلان والنحاف مايزعلون .. لازم نستخدم قلم أسود رفيع
مدري وش إسمه .. اللاطش ماذكر شي :D
هذا القلم اللي ماله اسم غير صفة الرفيع نرسم فيه الأشياء الدقيقه


أزيلت أيضا من قبلها ولنفس السبب


وبس .. شوفوا اللوحه بمزج لون آخر ورسم مختلف




طبعا في هذي اللوحه تلاحظون << اسكتوا بتشرح :p
ان الشخص تحول إلى مناره :eek: مسكين مالحق يتهنى
وان الطيور صارت مناطيد
وان السماء قلبت قرنفلي صج

شوفوا هذي بعد



عسى بس عجبكم الموضوع

الحين تقدرون تاخذون حبة بندول ووراها كاسة ماء من بعد الهذره ذي كلها :D
تقديري[/align]


 
 توقيع : شموخ يافع

كانت هنا ورحلت .. لا تنسوني من صالح دعائكم :)

التعديل الأخير تم بواسطة شموخ يافع ; 28-04-2006 الساعة 01:48 PM

رد مع اقتباس
 

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


All times are GMT +3. The time now is 06:09 PM.


Powered by vBulletin® Version 3.8.7, Copyright ©2000 - 2026, Jelsoft Enterprises Ltd. TranZ By Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas

جميع الحقوق محفوظه لمنتديات سماء يافع

a.d - i.s.s.w

mamnoa 4.0 by DAHOM