مساجلات شعرية بين الشاعر المتمكن وصالح بن سعدان اليافعي

بدع الشاعر المتمكن
[poem=font="Simplified Arabic,6,firebrick,normal,norm al" bkcolor="transparent" bkimage="backgrounds/20.gif" border="double,5,blue" type=2 line=0 align=center use=ex num="0,black"]
يقول شاعر ومتمكن بقوه قدم = شاعر تغنوا بشعره من عدن لاشبام
شاعر وله هيبته بالشعر شاعر علم = شاعر من أرض الشرف والعز أرض الكرام
أسجل الحرف وارقى فيه لاعلى القمم = أقود هجني وانا ماسك بيدي خطام
هابعد هاتوا لي الأوراق هاتوا القلم= وانت ياهاجسي ناد الحليله لازام
يالهاجس اسمر معيا قف معي لاتنم = يامن في القصر جنبي جهزوا لي حسام
حتى ولو من أمامي في عيوني قزم = لكنها عادتي أقطع رؤوس اللئام
يامرسلي شد عزمك قم مع من عزم = قم وامتطه مهر للدوحه وشد اللثام
وصل كتابي لصالح لو لقيته سلم = من بعدما شاف شعري صار شعره ركام
مسكين صالح تجرع من يديا ألم = والضربه الثالثه تفنيه كامل حرام
هذا جزاء من تهور في ضياحي صدم = مايدري اني جبل واصبح أمامي حطام
ياصالح اسمع كلامي مانته الا بسم = فقط شوارب على الفيران والا سلام
أما أنا ليث أتربع برأس الهرم = أقود كل الجوارح والطيور الحمام
هذا خرج فصل والثاني ندور حكم = نوصل أنا وانت لاعنده وله لحتكام
شرع القبايل كذا واهل الوفاء والكرم = لابد من شيخ يحكم بيننا ع الكلام
لانك تجاهلتني لابد تحصد ندم = جاوبت عالأوله والثانيه لم تقام
أثبت للناس ان عادك شويعر نغم = ياصالح اصحا وصحصح لاتطيل المنام
كم صحت فيكم وكم علمتكم كم وكم = لما متى با تظلوا في غدير الظلام
هذا واشوف ان صالح لم يزل مانسجم = من بعدما القوا الرميله ماحظي بانسجام
ياصالح اصبر وصابر بالدلا والنسم = نلقى بديل الرميله أي حي ياغلام
والختم صلوا على طه شفيع الأمم = على محمد رسول الله ألف السلام[/poem]

جواب بن سعدان على الشاعر المتمكن

[poem=font="Simplified Arabic,6,blue,normal,normal" bkcolor="transparent" bkimage="backgrounds/20.gif" border="double,5,red" type=2 line=0 align=center use=ex num="0,black"]
قال أبن سعدان ليته من توالي رجم=والله بني طلع لي فوق قمة هلام
ورجم بسحبول لا فوق العرب والعجم=حتى ولا الناس ذي هم بالمباني نيام
طاب السمر طاب وأحط القدم بالقدم= بمشي بخطوات شاعر ما عليا ملام
تاريخ راسخ كتبته في سنون القلم=فارس محنك ودائم خطوتي للإمام
شعّـار يافع مع وديانها القمم=تشهد لبو ( س ) وأتشهد فروخ الحمام
والعر والقارة النصبا وشامخ نقم=ومن ربى الجوف للمهرة الى ارض سام
شاعر لي العز والفخر الأبي والهمم=معروف أبو (س) ساعات اللقاء والصدام
انا الذي لا هدم ساس العداوة هدم=وأنا الذي من سيوفي راح سبعين هام
وانا الذي خضت معركة العند والعلم=وأنا الذي بات في يافع حراسة وزام
وذي أقبل اليوم شاعر أمس راعي غنم=ما هل يفكر يراوغني في الانتقام
لو قلت ما جاوب الشاعر يقلوا انهزم=باتزعل البنت واتحنق عليا المدام
المشكلة شاعر اقبلني عديم الذمم=من يوم جاني ولا حتى بدا بالسلام
جاني مزاقر مشوه كل جسمه جذم=أتقول ماشي تغسل له ثلاثين عام
عقله صغيّـر ظهر لي ملى رأسه كنم=يتيم مسكين ما عمره وقف واستقام
طولت حياته وهو عايش مثيل الخدم=الجسم باين ورأسه مختفي كالنعام
ما قط تشيك ولا عمرة لبس وأحتزم=ولا بيعرف أصول القبيلة والنظام
أسلوب تعبان حتى لا الكلام أفتهم=واجب عليا أحطه في قفص لاتهام
أو يعتذر لي ويستسلم وعادة سلم=ولا طلاقين بني هبره بالحزام
والثالثة با تصل له بعد حكم الحكم=لنه تطاول على سيدة ببعض الكلام
كلام مهبول ما يعقل بعقل انعدم=فيه التأني وحب الفلسفة والوئام
وحُب من حَب يتسمع لصوت النغم=ويعيش ليام يتسلى ببحر الغرام
غرور شاعر بيتمخطر بساعة نظم=ما عمره أشتد حيله أو مسك للحسام
إنسان مغرور لكنه ظهر دون دم=ولا معه دم يجري في مجاري العظام
يا كم لطمته ولكنه إمامي صنم=وآزيده اليوم لطمه لا تقولوا حرام
حتى ولو قال بآنصبح قطب أو شتم=بأعلمه كيف يكتب بدع لي باْحترام
هذا جوابي وبآردد بكلمة نعم=شاعر ولي حظ لا قامة تقوم القيام
وألفين صلوا على المختار ما الشمل لم=وأعداد ما رصرص الباني حجار الرخام
على محمد رسول الله لخير الأمم=وأهله وصحبة وأتباعه عليهم سلام[/poem][/size][/font][/b][/center]

[center][b][font="arial black"][size="4"]

بدع الشاعر المتمكن الثاني الموجة لبن سعدان
[poem=font="Simplified Arabic,6,firebrick,bold,normal " bkcolor="transparent" bkimage="backgrounds/20.gif" border="double,5,blue" type=2 line=0 align=center use=ex num="0,black"]
يقول شاعر ومتمكن انا قهري = قهري من الناس ذي هم مثل بن سعدان
أسعى لحفظه وهو يسعى الى قبري = لكن أسف كيف تتحدث مع الصمان
واليوم جاني جوابه لم يكن مغري = جواب ناقص بيبرع خارج الميدان
ياكم نصحته ولكن ماقرأ فكري = عاده جويهل خفيف اللحم والعظمان
مهبول صالح يحاول يقتبس شعري = مايدري انه كما القطره وانا طوفان
مايدري اني لهب فليتقي جمري = مايدري اني كما الاعصار والبركان
والناس شعري بتتغناه من صغري = ياكم قصايد ترددها وكم قيفان
مش من كتب حرف سيهن شعر مايدري = مايدري ان القوافي تدخل الميزان
ياصالح اسمع كلامي واتقه شري = ابعد عن البربره وتحمد الرحمان
خذها نصيحه ولامن شاف أو يدري = وكم نصحتك ولكن لم تكن فهمان
بتجي من الخلف دايم من ورى ظهري =تعبان ياصاح تفكيرك غلط تعبان
وآخر انذار خذ خطي وسه شقري =واعمل بما اوجهك بادر معيا الآن
ولو تجاهلت ما يحدث ومايجري = باجهز الحبل وآخرج لك العصيان
باديك ضربه ورى ضربه لما تذري = وآقيدك في حبالي وادعي السجان
هذا اذا لم تعي ولو نفذ صبري =بادق عظمك اذا لم تلعن الشيطان
وآجرعك سم وآخليه يستشري = بين الحشا داخل أمعاك الى الأعيان
قم يارسولي بسرعه وامتطه مهري = واحمل كتابي وغادر رد صوت الدان
وسلمه يد من قدم لنا نكري = تلقاه داخل قطر يلعب مع الصبيان
والا تلاقيه بيتكس في السري = يمشي مع من دفع له قرشه الطنان
سيارته كامري ذي لونها بحري = يعمل عليها ولكن دايما فزعان
واذكر محمد وآله آخر الذكري = صلوا على الهاشمي صفوت بنو عدنان[/poem]
[/poem][/color]
[align=center]جواب صالح بن سعدان الثاني على الشاعر المتمكن[/align]
[poem=font="Simplified Arabic,6,blue,bold,normal" bkcolor="transparent" bkimage="backgrounds/20.gif" border="double,5,red" type=2 line=0 align=center use=ex num="0,black"]
قال ا بن سعدان يا غبني ويا قهري=يوم الدجاجة بتزغي من على كحلان
اليوم يومش وصل لا نحوش النسري=صرتي ضحية أمام الفارس السلطان
أقيس قيسي على كيفي وذا شبري=ماسك برجلش وانا باطنطنش طنطان
الوكر وكري ولا لش خص في وكري=لا تزقزقي ما تفيد الزقزة ما الأن
يا ليلة النور حيا ما السحب تجري=وحن راعد ويبرق من طرف لمزان
وسيل السيل في لشعاب من بدري=واسقي حقول المزارع ومتلت لطيان
حيا ملاها عدد ما غرد ألغمري=وشل بالصوت ييغنّـي على الأغصان
وأنا بردد معه في صوتي ألجهري=بشل صوتي على نغم الوتر والدان
ها ونت بالليل يا الهاجس معي تسري=ورّد قوافي وهات اللحن والأوزان
لني بشوف المقفل قد ظهر يجري من يوم قال أيناطح له جبل شمسان
ماشي فهم للجواب الأول السري=راجع حسابك وشف للفيد والخسران
من ذي طلع عالمنصة جسمه المزري=فضح بعمره وشوة منظر الانسان
ظهر عليا منتف مثلما الحجري=اسود مسود بلا نخرة ولا آذان
جسمه مزرمم وعيفه يشبه العري=وحول وجهة بتمشي النمل والذبان
لنه يهودي ولا هندي ولا مصري=صورة زرية كانة جاء من الافغان
بي خوف تطلع مزنر والبشر تدري=اليوم يومك على فرعون يا هامان
ثلاثة أيام ذي لك عندنا تجري=وين المفر وين جاك الشيخ بن سعدان
يا شاعر البدع بدعك ذي وصل قصري=ناقص ودمعك بيجري من على لوجان
عد النقط عد بالميلاد والهجري=وحط إعلان ودعة أهل بن علوان
دمك مطير على لبسك بدآ يسري=كفي بخدك علامة لم تزل للان
لبستك الجنز وأنته عندنا بطري=بالكندره يوم تتمشي بلا حذيان
جاهل صغيًر تقارن شعرك بشعري=دخلت في اسم غيرك لجل بآتهتان
الصبر صبري ولكن لو نفذ صبري=بآدخلك في زريبة للنعاج الضان
هذا جوابي وقولي ذي كتب حبري=أنا كتبته وانته هدّنة هدّان
وإلفين صلوا معيا ما أشرقت فجري=شمساً زكية وضاءت منها البلدان
صلوا على احمد صلاة السر والجهري=يشفع لنا من لهيب الحر والنيران[/poem][/align][/poem]

[align=center]بدع الشاعر المتمكن الثالث الوجة لـ صالح بن سعدان اليافعي[/align]

[poem=font="simplified arabic,5,white,bold,normal" bkcolor="transparent" bkimage="backgrounds/3.gif" border="double,4,orangered" type=2 line=0 align=center use=ex num="0,black"]
قال الشاعر المتمكن وين السيف وين الخنجر = باقص راس من يتباهي في شعره وفي اقواله
بن سعدان كثر فيها قولوا له نصيحه يحذر = يبعد عن كلام الهدره ويناقش معي أحواله
ياصالح نصيحه مني شوري لك تبطل تشعر = وقف هرجك المتباهي ياشاعر ومالك صاله
وان عارضت قولي شفني بابري صميلي لخضر=واحط وسط ظهرك معلم حامي من لهب شعاله
شفني صدق انصح منهو مثلك مارضي يتعبر = وان عارض معي ياويله باقص ايمنه واشماله
باخليه يعرف قدره لانه جاء بجنبي طبر = بيقارن هداره لهبل في شعري وفي اطلاله
مايدري بأني فارس مايدري بأني قيصر = أما هو بيركض بعدي لحد شافه آيرثى له
شفني صدق صادق معكم لابغتر او بتكبر = شوفوني خليفة شايف والمغرور وش يبقى له
شوفوني مثل بوليلي شوفوني بضاهي عنتر = ويش ايعتبر قدامي بن سعدان هو واشكاله
لا قد قلت انا باقوالي بايسمع كلامي لصور = وتدني جميع الدنيا قدامي ترد الباله
وان قد شرت انا باصباعي قد كل الجيوش اتقهر = وان سليت سيفي مره كل الناس با تخشاله
واخر قول كن متفهم ياصالح وخليك اشطر = شف كم ناس قبلك واجد ضيع مالقي مأوى له
صلوا عالنبي ياساده مالعابد سجد وتشكر = بايشفع لنا عند الله في يوما تزيد اهواله[/poem]

جواب صالح اليافعي الثالث على الشاعر المتمكن

[poem=font="simplified arabic,5,darkred,bold,normal" bkcolor="transparent" bkimage="backgrounds/2.gif" border="double,4,deeppink" type=2 line=0 align=center use=ex num="0,black"]
قال اليافعي يا حيا ما مزن السحابة تمطر=صبت فوق يافع وأمسه كل اشعابها سيّالة
حيا بالعزيز الغالي يملا ريفها والبندر=حيا كلما جاء منه في كلماته القتالة
حيا الشاعر المتحدي جاني في صميلة لخضر=جاني من صباح الباكر يغمزني بطرف إسباله
ينصنحي نصيحة عوجا قال انه جمل يتهدر=هذا حسب ما جاء منه في بدعه وفي أقواله
حط الوم كله نحوي يا ليته سأل وتخبر=من هو ذي يسوق الجبّر ويزلزل بها زلزاله
بدع القول عفواً منكم ما دام الطريق أتيسر=بأجاوب على المتهاون حتى لو لسانه طالة
يا لشحر تشوف السبعة بعيانك تقول اثنعشر=والله أن عيونك حوله حتى لو بهن غلقالة
اتغلقل على ما تشتي واسكر لك مع ذي يسكر=واضحك ضحكتك يا شاعر داخل غرفتك والصالة
والبس جنز ازرق اصلي وأتعطر بريح العنبر=واكتب شعرك المتواضع في لحنة في مواله
يا عنتر كفاية تغتر خوفي بس لا تتفجر=تتفاخر وخايف تطلع عايش في أخس الحالة
أمبير الحرارة طالع أشر يا مغفل اشر=ركبت الفيوز الحارق بين الشاحنة والآلة
وأنته قمت تخطب فينا ساعة ما طلعت المبنر=ما صليت معنا سنة والخطبة بلا بسماله
ساعة ما دخلت النادي شليت القلم والدفتر=عبّـرت الكلام ألفاضي وتحول بهن حوّاله
خربت الديار الحلوة والجو المليح أتعكر=والماء الزلال الصافي صبيته على الغسالة
ويش الحظ ذي جابك لي سبحان الذي بك قدّر=أتحذولت يا بو زنطه عند اليافعي حذواله
غرّب ظهرك المتدني بآحمل بظهرك جرجر=بن سعدان بيده مسوق كلاً يجتزي بأعماله
حسب الكومنه والقوه من خيراتها ولا الشر=كلاً بآيخذ له قسمة من حب الجرب ذي كاله
ولحب الخشن ما ريده لونه بالدرام أتغير=السوسة ضربته وأصبح حبَك يا غبي نخاله
وأتعجب شقادف رأسك والدم الذي يتطير=ما ينفع صميلك لخضر حتى لو به الغلالة
ويش أتسي أمام المدفع والآلي معي والهوزر=وآمسكين بطل تشعر خل الجول له جواله
رحنا ذي نقود القوه من ضباطها والعسكر=وحنا ذي يقولوا عنا في صحراء العرب جماله
تشهد لي شوامخ يافع والوادي الجميل الأخضر=من وادي حمومه ذي به غصن البن فوق أذواله
شف هذا جوابي عنك لا تحسب كلامي سكر=طعمه مر حامض علقم يطفي نارك الشعاله
صلى الله على بو القاسم ما قام المنادي كبّر=وأعداد السحب ما تمطر وأمسه أرضنا سيّاله[/poem]