عصيط ومرق حتى يسيل العرق..

بدون مجابرة طويله عريضة اشتي اطرحلكم طريقتي "الخنفشاريه"في العصيط"
طبعا الكلام هذا كان بفترة الحج والحج يعني "تشرد"من البيوت كوننا من سكان مكه..
يعني نخرج من بيتنا عشان الحجاج
المهم قال ابي يشتي عصيط <عصيط ماهو يابه مابش معانا معصيط ذلحين من اين ندي
لازم عصيط ولا عصيد وحيث ان الحاجة ام الاختراع قلت نعصط بمعلقة خشب وعلى بركة الله
طيب مابش لحم عادنا ماضحينا قال افعلو بدجاج <يعني قومي بدون تحجاج ياجنية
طرحت ماء مغلي على النار في قدر وحطيت عليه شوي ملح وطرحة عليه كاستين دقيق وتعال يامخباطه انا والمعصيط التقليد
اخبط ماتخبط واعصط ماتعصط <الصدق ضبحت

.
خذت ايدي وانا بين اعصط بالملعقة <الصدق انها اسهل من المعصيط
بعدها طرحت العصيط في الماعون بعدما دهنتها بالسمن البلدي

يلا نعدلها في الماعون ندهن يديننا بشوي سمن وتشك تشك لوما تتكور<كونو كورها ساع الناس تطلع حاليه

يوه والحلى فيها ساع اللصامه لينه نفعل بها حفره في النص عاسب نطرح المرق لكن اوبهي تحرقي

هانا بالمرق <عصيط ومرق حتى يسيل العرق

ومايحلى العصيط الا بالخضره<القشم"الكراث والجرجير والخس

ونجحت العصيطه والحمدلله وابي بياكل <انا فداله

الصدق سبرتها في 10 دقايق وجبه سهله وحاليه وقمريه <اشتي تقييم ياخبره ولا حرام ماعدزد اصورلكم حاجه

تسلم ايداك يا صنعانيه عصيط صح يا وين الوادي واحمد اليزيدي

اعوووووووووووووووووة وحد يفطر عصيد ههههههههههه
اعرف ان الفطور العصيد للههههههههههههههههههههه
على العموم انا مرة ما احب العصيد بس اليوم
ما تشوف وادي ان انا موجود اول واحد على السفرة
هههههههههههههههه يعني اول يوم اجرب العصيد
يسلممممممممموووووووووو اختي الغاليه صنعانيه
طعمها جنان تسلم يمناك
بس وين الحووووووووح ولا حرام ولاع اجي عندكم ههههههههههه
يسلم يمناك اختي وهذا يدل على كرمك وطيب اخلاقك
وسمو تواضعك ياغاليه والتقيم ما بش لما يجي الحوووح
هههههههههههههههههههه

شكراً بلقيس اليمن وعووووووووووووووه والله للحين بلا فطور
ولاغداء ولاغداء واريد ارقد وجاني الجووووووووع تسلمي ..!!
مجهودر يشكراً عليه بس وين اللحمـــــــــــــة هاااااااااااااااا
آكلتيها ههههههههههههههه مرقة بدون لحمــــــــــــــة ..!!
اعطيك العافية وربي يسعدك آميييييييــــــــــن ..!!
قلت السماء منوووورة اثر الكل يتغداء الا انا مش معزووووم ..!!

ياربي وينك يا زين اليزيدي وين اللحق عصصصصصيد اللحق عرفنا لاهنا ههههههههههه
مثل ما عودتنا عمتي الصعانيه على كرمها بتنزل لنا ها الطبخات اليمنيه الرائعه كنا افتقدنا لها

يرحم امش وابوش هات هات لي الصور سوى تراهم ما طلعو عندي والله

على العموم تسلمين والله ماقصرتي ودااامش هنا

المشاركة الأصلية كتبت بواسطة الصقر اليافعي تسلم ايداك يا صنعانيه عصيط صح يا وين الوادي واحمد اليزيدي

وينهم ياصقر الوادي من زمان ماابسرته هانا للمه؟
وزين اكيدبيدورله حريوه تفعله عصيط يافعي مايشتيش عصيطي ههههههههههههههه
اسلم ياصقر العصيط لين مش لازم اسنان هههههههههههههههههههه

المشاركة الأصلية كتبت بواسطة احمداليزيدي اعوووووووووووووووووة وحد يفطر عصيد ههههههههههه اعرف ان الفطور العصيد للههههههههههههههههههههه على العموم انا مرة ما احب العصيد بس اليوم ما تشوف وادي ان انا موجود اول واحد على السفرة هههههههههههههههه يعني اول يوم اجرب العصيد يسلممممممممموووووووووو اختي الغاليه صنعانيه طعمها جنان تسلم يمناك بس وين الحووووووووح ولا حرام ولاع اجي عندكم ههههههههههه يسلم يمناك اختي وهذا يدل على كرمك وطيب اخلاقك وسمو تواضعك ياغاليه والتقيم ما بش لما يجي الحوووح هههههههههههههههههههه

يااحمد مالك بتداهف قنبر هانك جنب الصقر والوادي مكانه محفو ظ..
تشتي لحوح ناهي عنفعله لك لوما ندخل الديمة المرة الجاية ..
جرب جرب واعطيني رايك مريعتلك..

المشاركة الأصلية كتبت بواسطة الوعدالقاطع شكراً بلقيس اليمن وعووووووووووووووه والله للحين بلا فطور ولاغداء ولاغداء واريد ارقد وجاني الجووووووووع تسلمي ..!! مجهودر يشكراً عليه بس وين اللحمـــــــــــــة هاااااااااااااااا آكلتيها ههههههههههههههه مرقة بدون لحمــــــــــــــة ..!! اعطيك العافية وربي يسعدك آميييييييــــــــــن ..!! قلت السماء منوووورة اثر الكل يتغداء الا انا مش معزووووم ..!!

ياوعد اللحمه مابش غلقها ابي الله يحفظه هههههههههههههههههههههه
والعصيط الروح ساعما قال ابي لايفوتك ..
ايوه فمابالله عزمت الكل يتغدا وانت كان معك دوام مافعلك؟
اسلم ياغالي النور نوركم..

المشاركة الأصلية كتبت بواسطة algokar707 ياربي وينك يا زين اليزيدي وين اللحق عصصصصصيد اللحق عرفنا لاهنا ههههههههههه مثل ما عودتنا عمتي الصعانيه على كرمها بتنزل لنا ها الطبخات اليمنيه الرائعه كنا افتقدنا لها يرحم امش وابوش هات هات لي الصور سوى تراهم ما طلعو عندي والله على العموم تسلمين والله ماقصرتي ودااامش هنا

حيا حيا بالدب الجوكر
طرحت العصيط لاني اعرفك من عشاق الاكلات الصنعانيه عتقع جوكرين بدل الجوكر هع
للمه ماظهرت الصور معاك ابسروها كل خلق الله الا انت؟
الظاهر ان العصيط خايف منك ههههههههههههههههههههههه
يرحم والدي ووالديك وابشر بالي تشتيه ..
اسلم اسلم للمرور..

بسم الله الرحمن الرحيم
اللهم صل على محمد وعلى آله وصحبه أجمعين

ماشاء الله تبارك الرحمن والله وطلعتي شاطرة طالما انتي من عمل العصيد
تسلم أيدنك على هل وجبة الجميلة
بس مابتعملوا عليها لبن أو زبادي مثل أهل يافع
لأنه ما يسبر العصيد إلا بهن وهذه قاعدة نسون يافع

يعطيكِ العافية ومنتظرين جديدك من الأكلات الصنعانية فأنا من محبيها حيث أقمت في صنعاء أثناء زياراتي لليمن
وكثير أعجب بطبخاتهم الشعبية
وقد حصل لنا موقف مع طبق السلته عندما شاهدته أول مرة
في استراحة قريبة من كوكبان
حياكِ الله،،