صينية البطاطس المهروسة بالبيض

السلام عيكم ورحمة الله وبركاته




اليوم طبخت لكم صينية البطاطا المهروسة بالبيض
يعني طازجة فريش توني مسويتها من ساعة تقريبا

واتمنا انها تعجبكم
انا عن نفسي اموت فيها

ونبد مع المقادير

3 بطاطس حجم كبير او 5 حجم وسط مقشرة ومقطعة ومسلوقة جيدا

من5 الى6 حبات بيض

بصلة متوسطة الحجم ومقطعة الى مكعبات صغيرة

نصف كوب زيت

1 مكعب ماجي انا عن نفسي ما اسويه عشان اللون يكون فاتح بس بعضهم لازم يحطونه

ملعقة صغيرة وربع ملح



ولان مع الطريقة

اولا نحمر البصل لين يصير لونة ذهبي

مثل ما هو في الصورة



ونتركه عشان يبرد

ونذوب مكعب الماجي في كوب ماء اذا رغبنا فيه

ثم نضع في الخلاط البطاط والبيض والملح ووكوب مرقة الماجي اما اذا ما كنتوا حابين تضيفوا الماجي يمكن استبداله بكوب ماء
ونظربهم في الخلاط لين يصير عندنا خليط سلس تماما



ونصب الخليط في صينية ويوضع علية البصل الحمر والزيت



ونخلطهم جيدا



وبعده نضعهم في صينية اخرى للفرن بعد ان نكون قد مسحناها مسحة خفيفة جدا بالزيت



وندخلهم الى الفرن في درجة حرارة 180 الى 200 درجة الى ان ترتفع قليلا وتاخذ اللون الذهبي الفاتح جدا ثم نخفض الحرارة الى اقل درجة ممكنة ونتركها من 3 الى 4 دقائق او الى ان تاخذ لون اغمق قليلا ونخرجها من الفرن



وتقدم ساخة او دافئة حسب الرغبة




وبالهناء والعافية

مع ارقى تحية

ورود يافع